અરવલ્લી: વડોદરાના 39 વર્ષીય શિક્ષક યોગેન શાહ ચાલી શકતા નહોતા. જેથી તેમણે નૌસર્ગિક જીવનશૈલી સાથે જીવવાનું શરૂ કર્યું હતું. આજે આ વ્યક્તિ 1,500 કિલોમીટરની પદયાત્રા કરી રહ્યા છે.
વડોદરાનો યુવક નૈસર્ગિક જીવનશૈલીથી રોગમુક્ત બન્યો
વડોદરાના આ વ્યક્તિ 10-12 વર્ષથી સંધિવા રોગથી પીડાતા હતા. દવા લીધા વિના તેમનો એક પણ દિવસ વિત્યો નહોતો. રોગના કારણે યોગેન શાહનું જીવન કષ્ટમય બની ગયું હતુ. એલોપેથી દવાઓ પણ તેમના પર અસર નહોતી કરતી. જેથી તેમણે જીવનશૈલી બદલવાનું નક્કી કર્યું હતું.
યોગેન શાહનું માનવુ છે કે, માનવીની તંદુરસ્તી તેમના આહાર પર નિર્ભર છે. જેથી તેમણે રાંધેલા ભોજનનો ત્યાગ કર્યો અને માત્ર કાચા શાકભાજી, ફળ, સુકા મેવા પર નિર્ભર રહેવાનુ શરૂ કર્યું હતું. જેનાથી તેમના શરીરમાં આમુલ પરિવર્તન આવ્યું. આ પરિવર્તનના કારણે આજે તે સ્વસ્થ જ નહીં, પરંતુ સ્ફૂર્તિવાન અને કાર્યશીલ બન્યા છે.