અરવલ્લી : હિંમતનગર ખાતે સિવિલમાં આઈસોલેશનમાં કામ કરતા યુવકને કોરોના પૉઝિટિવ સામે આવતાં સાબરકાંઠા આરોગ્ય વિભાગમાં દોડધામ મચી ગઇ છે અને તેની અસર અરવલ્લીમાં પણ જોવાઇ મળી છે.
અરવલ્લીમાં પણ કોરોનાની દસ્તકના ભયને લઈને કલેક્ટરે મંગળવારના રોજ નવું જાહેરનામુ બહાર પાડ્યું હતું. જેમાં અનેક નવા નિયમો કોરોના સંક્રમણને રોકવા માટેના લાદવામાં આવ્યા છે. લૉકડાઉન જાહેર થયું છતાં લોકો ઘરની બહાર નિકળવાનુ બંધ કરતા નથી.
લૉકડાઉનનો સંપૂર્ણ અમલ કરવામાં લોકો ઉણા ઉતરી રહ્યાં હોવાને કારણે કડક અમલ કરાવવા તંત્રએ કમર કસી છે, ત્યારે કલેક્ટરે મંગળવારના રોજ નવું જાહેરનામુ પ્રસિધ્ધ કર્યું હતું. જેમાં કોરોના વાઈરસના સંક્રમણને રોકવા અંગેના નિયંત્રણો લાદવામાં આવ્યા છે.
૧) લેખિત પરવાનગી વગર અવર-જવર પર પ્રતિબંધ લદાયો
૨) શાકભાજી સવારે ૭થી ૧૦ સુધી જ વેચી શકાશે