મોડાસામાં આરોગ્ય વિભાગ દ્વારા પોલીસ કર્મીઓની કરાઈ આરોગ્ય તપાસ

કોરોના વાઈરસને ફેલાતો અટકાવવા માટે પોલીસ કર્મચારીઓ ખડે પગે સેવા આપી લોકોની બિન જરૂરી અવર-જવર અટકાવી રહ્યા છે, ત્યારે આરોગ્ય વિભાગ દ્વારા મોડાસા ટાઉન પોલીસ સ્ટેશનના કર્મચારીઓના આરોગ્ય ચકાસણી કરવામાં આવી હતી.

અરવલ્લી : જિલ્લામાં કોરોના વાઈરસને ફેલાતો અટકાવવા માટે પોલીસ કર્મચારીઓ ખડે પગે સેવા આપી લોકોની બિન જરૂરી અવર-જવર અટકાવી રહ્યા છે, ત્યારે આરોગ્ય વિભાગ દ્વારા મોડાસા ટાઉન પોલીસ સ્ટેશનના કર્મચારીઓના આરોગ્ય ચકાસણી કરવામાં આવી હતી. ચેક-અપ દરમિયાન પોલીસ કર્મીઓની અન્ય બીમારીઓ અંગે પણ માહિતી મેળવી હતી.

મોડાસામાં આરોગ્ય વિભાગ દ્વારા પોલિસકર્મીઓની કરાઈ આરોગ્ય તપાસ

અરવલ્લી જિલ્લામાં એક પણ પોઝિટિવ કેસ નોંધાયો નથી તેમ છતાં આરોગ્ય વિભાગ સતર્ક છે અને સઘન તપાસ હાથ ધરી રહ્યુ છે. તકેદારીના ભાગરૂપે આરોગ્ય વિભાગ દ્વારા તમામ પ્રયાસો હાથ ધરવામાં આવી રહ્યા છે. અત્યાર સુધીમાં 20 જેટલા સેમ્પલ લેવામાં આવ્યા હતા. જે તમામ કેસ નેગેટીવ આવતા આરોગ્ય વિભાગ હાલ રાહતનો શ્વાસ લઇ રહ્યું છે.

આરોગ્ય વિભાગ તકેદારીના ભાગરૂપે મહામારીમાં સતત સેવા આપી રહેલા સરકારી કર્મચારીઓની આરોગ્યલક્ષી ચકાસણી કરી રહ્યુ છે. મોડાસા ટાઉન પોલીસ સ્ટેશન ખાતે આરોગ્ય વિભાગ દ્વારા પોલીસ કર્મીઓનું આરોગ્ય ચકાસણી કરવામાં આવી હતી.

જેમાં મોડાસા ટાઉન પોલીસ સ્ટેશનના તમામ પોલીસ કર્મચારીઓની થર્મલ સ્કેનિંગ મશીન દ્વારા ટેમ્પરેચર માપવામાં આવ્યું હતુ. આ સાથે જ તેઓને થતી અન્ય તકલીફ વિશે નિદાન કરી દવાઓ આપી હતી.