અરવલ્લીમાં ગેસની સગડીઓની આડમાં લઈ જવાતો વિદેશી દારૂ ઝડપાયો

અરવલ્લી: શામળાજી પોલીસે રતનપુર ચેકપોસ્ટ નજીક વેણપુર ગામની સીમમાંથી ગેસની સગડીઓના બોક્સની આડમાં લઈ જવાતો વિદેશી દારૂ ઝડપી પાડ્યો છે.

શામળાજી PSI કેતન વ્યાસ અને તેમની ટીમને મળેલી બાતમીના આધારે અમદાવાદ-ઉદેપુર નં-8 પર વોચ ગોઠવી હતી. આ દરમિયાન વેણપુર ગામ નજીક રાજસ્થાન તરફથી આવતી મીની ટ્રકને અટકાવીને તેની તપાસ કરવામાં આવી હતી. જેમાં ગેસ સગડીઓ અને અન્ય માલસામાન પાછળ છુપાવીને રાખેલી વિદેશી દારૂની બોટલ જપ્ત કરી હતી.

આ સાથે જ રાજસ્થાનના ચાલક પવનકુમાર લિચ્છુરામ સોનીની પણ ધરપકડ કરવામાં આવી હતી. પોલીસે મીની ટ્રક ગાડી, મોબાઇલ તથા ભારતીય બનાવટનો વિદેશી દારૂ છુપાવવા ઉપયોગમાં લીધેલી ગેસની સગડીઓ તથા સામાન પેક કરેલી નાના-મોટા ખોખા મળીને કુલ રૂ.34,88,200નો મુદ્દામાલ જપ્ત કર્યો હતો.