PSI અને ASIની ભરતીને લઈને ઉમેદવારોએ કલેક્ટરને આવેદન પાઠવ્યું

ગુજરાત સરકાર દ્રારા પોલીસતંત્રમાં વિવિધ પોસ્ટ માટે ભરતીની જાહેરાત કરવામાં આવી છે. જોકે ભરતી જાહેરાત પ્રક્રિયામાં અનામતની બેઠકો તેમજ અન્ય મુદ્દાઓને લઇને ઉમેદવારોમાં અસંતોષ પ્રવર્તી રહ્યો છે. અરવલ્લી જિલ્લા PSI અને ASI ભરતી પ્રક્રિયામાં અન્યાય થતા ઉમેદવારો દ્વારા કલેક્ટરને આવેદનપત્ર પાઠવવામાં આવ્યું હતું.

• PSI અને ASIની ભરતી પ્રક્રિયામાં અન્યાય થતા ઉમેદવારોએ કલેક્ટરને આવેદન પત્ર આપ્યું
• ભરતી પ્રક્રિયાની જાહેરાતથી ઉમેદવારોમાં અસંતોષ
• કોલેજના છેલ્લા સેમેસ્ટરમાં અભ્યાસ કરતા વિદ્યાર્થીઓને ભરતી પ્રક્રિયામાંથી વંચિત રખાયા

આ પણ વાંચો :અર્ધસૈન્ય બળોમાં ખાલી પડેલી જગ્યાઓ પર ભરતી માટે રજૂઆત

અરવલ્લી: તાજેતરમા ગૃહ વિભાગ દ્વારા PSI અને ASIની ભરતી પ્રક્રિયા અંગે જાહેરાત કરવામાં આવી છે. જોકે ભરતી પ્રક્રિયામાં અનામત અને અન્ય મુદ્દાઓને લઇ હવે વિવાદ થયો છે. ભરતી પ્રક્રિયાની જાહેરાતમાં અનુ. જાતિ, અનુ. જનજાતિ અને બક્ષીપંચની સંવિધાનિક અનામત બેઠકોમાં સંખ્યાના અનુપાતમાં અન્યાય થયો હોવાનો આક્ષેપ કરવામાં આવી રહ્યો છે. આ ઉપરાંત કોલેજના છેલ્લા સેમેસ્ટરમાં અભ્યાસ કરતા વિદ્યાર્થીઓને ભરતી પ્રક્રિયામાંથી વંચિત રાખવા આવ્યા છે. તેમજ એપ્રિલ માસની ગરમીમાં દોડનું આયોજન કરવામાં આવ્યુ છે. તેને સ્થગિત કરવાની માગ કરવામાં આવી રહી છે. ગૃહ વિભાગ દ્વારા ઉમેદવારોની માગણીને ધ્યાનમાં રાખી યોગ્ય નિર્ણય લઇને, સુધારાઓ સાથે ભરતી પ્રક્રિયા કરવામાં આવે તેવી માગ કરતુ આવેદનપત્ર ઉમેદવારો દ્રારા કલેક્ટરને આપવામાં આવ્યુ હતું.

અનામતની જોગવાઇ મુજબ એસ.સી/એસ.ટી બેઠકો ફાળવાઈ નથી

આવેદનપત્રમાં ઉમેદવારો જણાવ્યું હતું કે, અનામતની જોગવાઇ મુજબ એસ.સી/એસ.ટી બેઠકો ફાળવામાં આવી નથી અને પ્રિલીમ્સ પહેલા ફિઝિકલ ટેસ્ટ રાખવામાં આવ્યો છે. જેથી અમુક જ ઉમેદવારોને ન્યાય મળશે. આ ઉપરાંત ઉનાળામાં ફિઝિકલ ટેસ્ટ રાખવામાં આવ્યો છે. જેથી તડકામાં ઉમેદવારો દોડી નહિ શકે. આવેદનપત્ર આપીને સરકારનું ધ્યાન દોરવાનો પ્રત્યન કરવામાં આવી રહ્યો છે

મોડાસા

આ પણ વાંચો :પોલીસ ભરતી પરીક્ષાના નિયમોમાં બદલાવ કરવા આપ્યું આવેદનપત્ર

કેટલી જગ્યાઓ ઉપર ભરતીની જાહેરાત કરવામાં આવી છે ?

1382 જગ્યાઓમાં, બિન હથિયારધારી પી.એસ.આઈની 202 જગ્યા, બિન હથિયારધારી મહિલા પી. એસ.આઈની 98 જગ્યાઓ અને હથિયારધારી પીએસઆઈની 72, પુરૂષ ઈન્ટેલિજન્ટ ઓફિસરની 18 જગ્યા માટે ભરતી કરાશે. બિન હથિયારધારી મદદનીશ સબ ઈન્સ્પેક્ટરની 659 જગ્યાઓ અને બીન હથિયારધારી મહિલા મદદનીશ સબ ઈન્સ્પેક્ટરની 324 જગ્યા પર ભરતી કરવામાં આવશે.