કોંગ્રેસમાં શીત યુદ્ધ, ધવલસિંહ ઝાલાની અવગણના થતી હોવાાના આક્ષેપ

અરવલ્લી: ગુજરાત કોંગ્રેસ પ્રદેશ પ્રમુખ અમિત ચાવડાની અરવલ્લી જિલ્લાની મુલાકાત સમયે કોંગ્રેસના બાયડના ધારાસભ્ય ધવલસિંહની ગેરહાજરીના કારણે કોંગ્રેસમા આંતરીક મતભેદો સામે આવ્યા હતા. ક્ષત્રિય ઠાકોર સેનાના અધ્યક્ષ અને રાધનપુરના ધારાસભ્ય અલ્પેશ ઠાકોરના અંગત ગણાતા બાયડના ધારાસભ્ય ધવલસિંહ ઝાલાએ અરવલ્લી જિલ્લા કોંગ્રેસ પ્રમુખ પક્ષપાતની નીતી અપનાવી રહ્યા હોવાનો આક્ષેપ કર્યો હતો.

ધવલસિંહ ઝાલાએ જિલ્લા પ્રમુખ કમલેન્દ્રસિંહ રહેવર દ્વારા પક્ષમાં તેમની છબી ખરાબ કરવા તેમને કોંગ્રેસના તમામ કાર્યક્રમોથી દૂર રાખતા હોવાનો આક્ષેપ કર્યો હતો . તેમણે વધુમાં જણાવ્યું કે, આ અંગે તેમણે પક્ષ કાર્યાલય પર જાણ કરી છે.

કેટલાક સૂત્રો દ્વારા મળતી માહિતી અનુસાર, ધારાસભ્ય ધવલસિંહ ઝાલા હવે 23મી મે ની રાહ જોઇ રહ્યા છે. જો કેન્દ્રમાં ભાજપ સત્તા પર આવે તો તેઓ પાટલી બદલે તો તેમાં કોઇ નવાઇ નહીં.