CAAના સમર્થનમાં વિદ્યાર્થીઓ પાસે જબરજસ્તીથી પત્ર લખાવ્યાનો આક્ષેપ

અરવલ્લી: CAAને (સિટીઝનશીપ અમેન્ડમેન્ટ એક્ટ) લઈને દેશભરમાં કેટલીક જગ્યાએ વિરોધ તો કેટલીક જગ્યાએ સમર્થન જોવા મળી રહ્યું છે. જોકે અરવલ્લી જિલ્લાના મોડાસા તાલુકાના ટીંટોઈ ગામમાં એક શાળામાં એવો આરોપ લગાવવામાં આવ્યો છે કે, વિદ્યાર્થીઓ પાસે વડાપ્રધાન નરેન્દ્ર મોદીને CAAના સમર્થનમાં જબરજસ્તીથી પત્ર લખાવવામાં આવ્યા છે. જે અંગે કેટલાક વાલીઓએ વિરોધ દર્શાવી શાળા સંચાલકને આવેદનપત્ર આપ્યું હતું.

અરવલ્લી જિલ્લાના મોડાસા તાલુકાના ટીંટોઈ ગામની પી.એમ. કોઠારી શાળામાં વિદ્યાર્થીઓ પાસે CAAના (સિટીઝનશીપ અમેન્ડમેન્ટ એક્ટ) સમર્થનમાં વડાપ્રધાન નરેન્દ્ર મોદીને પત્ર લખાવવામાં આવ્યા હતા. આ અંગે વિદ્યાર્થીઓએ જણાવ્યું હતું કે, તેમને આ કાયદા વિશે કંઈ જ ખબર નહોતી. તેમ છતાં શિક્ષકે તેમની પાસે સમર્થનવાળા પત્ર લખાવ્યા હતા.