સરદાર પટેલ યુનિવર્સિટી ખાતે ફિટ ઈન્ડીયા કાર્યક્રમ યોજાયો

આણંદ: સરદાર પટેલ યુનિવર્સિટી ખાતે આવેલા જ્ઞાનોદય ભવનમાં સાંસદ મિતેષ પટેલ અને જિલ્લા કલેકટર દિલીપ રાણાની ઉપસ્થીતીમાં જિલ્લા કક્ષાની ફીટ ઇન્ડિયા અંતર્ગત જિલ્લામાં કક્ષાની સ્પોર્ટસ ડેની ઉજવણી કરવામા આવી હતી.

સમગ્ર રાજ્યમાં રાષ્ટ્રીય સ્પોટ ડેની ઉજવણી કરવમાં આવી રહી હતી, ત્યારે સરદાર પટેલ યુનિવર્સિટી ખાતે જિલ્લા કક્ષાનો ફીટ ઇન્ડીયા કાર્યક્રમ સાંસદ મિતેષ પટેલ, જિલ્લા કલેકટર દીલીપ રાણા, સરદાર પટેલ યુનિવર્સિટીના વાઇસ ચાંસેલર શિરીષ કુલકર્ણી સહીત મોટી સંખ્યામા વિદ્યાર્થીઓ વડાપ્રધાન નરેન્દ્ર મોદીના લાઇવ કાર્યક્રમ નિહાળવા ઉપસ્થીત રહ્યા હતા.

આણંદ જિલ્લામાં પણ સ્પોર્ટસ ડેની ઉજવણી કરવાનું આયોજન કરવામાં આવ્યું હતું. જેમાં જિલ્લાની તમામ પ્રાથમિક શાળાઓ, કોલેજો અને યુનિવર્સિટી ખાતે રમત-ગમતના કાર્યક્રમો યોજવામાં આવ્યા હતા. આ રમતોમાં કબડ્ડી, ખો-ખો, વોલીબેલ, રસ્સા ખેચ, હોકી, ફૂટબોલ, ટેબલ ટેનિસ, બેડમિન્ટન, ચમચા-કોથળા દોડ, સંગીત ખુરશી, કરાટે અને આર્ચી જેની અનેક રમતો સાથે સ્પોર્ટ ડેની ઉજવણી કરવામાં આવીહતી.