આણંદમાં અત્યાર સુધીનું સૌથી ઓછું 9 ડિગ્રી તાપમાન નોંધાયું

આગામી બે દિવસ સુધી તાપમાનનો પારો નીચો રહશે. તેવું હવામાન વિભાગ દ્વારા જણાવવામાં આવ્યું છે. ઉત્તર ભારતમાં થઈ રહેલી હિમવર્ષાના કારણે ચરોતર પંથકમાં કોલ્ડ વેવ્સની સ્થિતિનું નિર્માણ થવા પામ્યું છે, જેના કારણે લઘુત્તમ પારો 4 ડિગ્રી ગગડીને 9 ડિગ્રી સેલ્સિયસ થયો છે. આણંદ જિલ્લામાં છેલ્લા બે દિવસથી પવન સાથે ઠંડી હવાના કારણે સ્થાનિકો હાડ થીજવતી ઠંડીનો દિવસભર અનુભવ કરી રહ્યા છે.

• સ્થાનિકો હાડ થીજવતી ઠંડીનો દિવસ ભર અનુભવ કરી રહ્યા છે
• અત્યાર સુધીમાં સૌથી નીચું તાપમાન 9 ડિગ્રી નોંધાવા પામ્યું
• ઠંડીથી બચવા લોકોએ અજમાવ્યા નુસ્ખા
• નવા વર્ષની ઉજવણી પર પણ આ ઠંડીની અસર જોવા મળે

આણંદઃ હવામાન વિભાગ પાસેથી પ્રાપ્ત માહિતી અનુસાર, સોમવાર રાતથી અત્યાર સુધીમાં સૌથી નીચું તાપમાન 9 ડિગ્રી નોંધાયું છે. છેલ્લા બે દિવસ દરમિયાન લઘુતમ તાપમાનનો પારો 14 ડિગ્રીની આસપાસ રહ્યા બાદ એકાએક પાંચ ડિગ્રી જેટલું તાપમાન ઘટી ઋતુ પરિવર્તન પામી છે. આણંદ કૃષિ હવામાન વિભગના અહેવાલ અનુસાર, મહત્તમ ચાર ડિગ્રીના ઘટાડા સાથે ચોવીસ ડિગ્રી લઘુતમ તાપમાન અને નવ ડિગ્રી લઘુત્તમ તાપમાન રહેવા પામ્યું છે. વાતાવરણમાં ભેજના પ્રમાણમાં 68 ટકા અને પવનની ગતિ 4.5 કિલોમીટર પ્રતિ કલાકની રહેવા પામી છે. છેલ્લા બે દિવસથી પવનની ગતિમાં વધારો નોંધાયો હોવાના કારણે વાતાવરણમાં શીત લહેર ફેલાઈ છે.

આણંદમાં અત્યાર સુધીનું સૌથી ઓછું 9 ડિગ્રી તાપમાન નોંધાયું

ઠંડીથી બચવા લોકોએ અજમાવ્યા નુસ્ખા

આગામી બે દિવસ આ જ રીતે કાર્ય ઠંડી પડવાની આગાહી હોવાથી લોકો ગરમ કપડાં, ગરમ પાણીનો ઉપયોગ કરી રહ્યા છે. આ સાથે જ ઠંડીથી બચવા માટે ઉકાળા તેમ જ ગરમ પીણાં પીતા નજરે પડી રહ્યા છે.

નવા વર્ષની ઉજવણી પર પણ આ ઠંડીની અસર જોવા મળે

ઉલ્લેખનીય છે કે, એક તરફ કોરોના કહેર વચ્ચે વર્ષ-2020 વિદાય લઈ નવા વર્ષ 2021ના પ્રારંભ વચ્ચે ઉજવાતી નવ વર્ષની ઉજવણી પર પણ આ ઠંડીની અસર જોવા મળે તેવું માનવામાં આવી રહ્યું છે. પાર્ટી પ્લોટ ફાર્મ હાઉસ અને હોટલો પર થતી જાહેર ઉજવણી પર પ્રતિબંધ મૂકવામાં આવ્યો છે. ત્યારે આણંદ જિલ્લામાં ફરી વળેલ શીત લહેરના કારણે હવે લોકો ઘરમાં જ ભરાઈને નવ વર્ષની ઉજવણી કરે અને પરિવાર સાથે આવનાર 2021ના વર્ષને આવકારે તેવી પરિસ્થિતિનું નિર્માણ થવા પામ્યું છે.