અમરેલી: કોરોના વાઈરસ વચ્ચે અનેક લોકો મહાનગરોમાંથી સૌરાષ્ટ્ર તરફ પ્રયાણ કરી રહ્યા છે. ત્યારે અમરેલી જિલ્લા વહીવટી તંત્ર દ્વારા જિલ્લામાં પ્રવેશતા લોકોના આરોગ્યની તપાસ કરી તેમને ક્વોરેન્ટાઈન કરવામાં આવી રહ્યા છે.
ગુજરાત રાજ્યના આરોગ્ય વિભાગની વેબસાઈટ પર નજર કરતા રાજ્યમાં કુલ 4,65,312 લોકોને હોમ ક્વોરેન્ટાઈન કરવામાં આવ્યા છે. જે પૈકી માત્ર અમરેલી જિલ્લામાં 1,46,764 લોકો હોમ ક્વોરેન્ટાઈન હેઠળ છે. આમ રાજ્યમાં કુલ ક્વોરેન્ટાઈન કરેલા વ્યક્તિઓ પૈકી 31 ટકા લોકો તો માત્ર અમરેલી જિલ્લામાં જ છે.