શાહઆલમ વિસ્તારમાં જ્યાં ગુરુવારે સાંજે હિંસા થઈ હતી, તે વિસ્તારોમાં મોટાભાગની દુકાનો આજે પણ બંધ રહી હતી. જો કે, અવર-જવર અને જીવન જરૂરિયાતની ચીજવસ્તુઓની દુકાનો ચાલુ હતી. ગઈકાલે સાંજે બનેલી ઘટના બાદ અત્યાર સુધી કોઈ પણ અનિચ્છનિય બનાવ બન્યો ન હતો.
ગુરુવારે મોડી રાત્રે 11 કલાકે શહેર કમિશ્નર આશિષ ભાટિયાએ પણ અસરગ્રસ્ત વિસ્તારની મુલાકાત લીધી બાદ ઈજાગ્રસ્ત પોલીસ કર્મચારીઓને પણ મળ્યા હતાં. રેલીના આયોજક અને સ્થાનિક કોર્પોરેટર શહેજાદ ખાન સહિત 49 લોકો સામે ઈસનપુર પોલીસ સ્ટેશનમાં ગુનો દાખલ કરવામાં આવ્યો છે. ઈસનપુર પોલીસ સ્ટેશનના PI જે.એમ સોલંકી દ્વારા અજ્ઞાત ટોળા વિરૂધ પોલીસ ફરિયાદ દાખલ કરી હતી.
શાહઆલમમાં હિંસા બાદ સ્થિતિ સામાન્ય