સેમિકન્ડક્ટર એક્ઝિબિશનમાં ઇસરો દ્વારા તૈયાર કરેલા સેમિકન્ડક્ટર ચિપ્સ એક્ઝિબિશનમાં મૂકવામાં આવ્યા અમદાવાદ: ભારત પહેલા ટેકનોલોજીની દ્રષ્ટિએ અન્ય દેશોની સરખામણી ખૂબ જ પાછળ જોવા મળતું હતું. પરંતુ હવે આત્મનિર્ભર ભારત પોતાની જ ટેકનોલોજીનો ઉપયોગ કરીને દુનિયા સમક્ષ પોતાના પગ પર ઉભું છે. જેનું ઉત્તમ ઉદાહરણ તાજેતરમાં જ ભારત દ્વારા છોડવામાં આવેલ ચંદ્રયાન 3 જેમાં 11 જેટલા પાર્ટ્સ અમદાવાદ ઇસરો દ્વારા તૈયાર કરવામાં આવ્યા હતા. મહાત્મા ગાંધી ગાંધીનગર ખાતે યોજાયેલ સેમિકન્ડક્ટર એક્ઝિબિશનમાં ઇસરો દ્વારા તૈયાર કરેલા સેમિકન્ડક્ટર ચિપ્સ એક્ઝિબિશનમાં મૂકવામાં આવ્યા છે.
અલગ અલગ ફ્રિકવન્સી ધરાવતી ચિપ્સ " મહાત્મા મંદિર ખાતે સેમિકન્ડક્ટર એક્ઝિબિશનમાં દ્વારા જે સબ સિસ્ટમ લગાવવામાં આવી છે. તે સ્પેસ સબ સિસ્ટમ છે. અહીંયા મૂકવામાં આવેલ અલગ અલગ ચીપ્સ એ અમદાવાદ ઇસરો દ્વારા તૈયાર કરવામાં આવી છે. આ સિસ્ટમ સ્પેસમાં હાઈ પાવર અને લો પાવર તેમજ અલગ અલગ ફ્રિકવન્સી ઉપર કામ કરે છે." - નિલેશ મકવાણા, સાઇન્ટીસ્ટ એન્ડ એન્જિનિયર, ઈસરો
ઇસરો દ્વારા તૈયાર કરાયા છે મોડ્યુલ:વધુમાં તેમણે જણાવ્યું હતું કે ઇસરો દ્વારા તૈયાર કરવામાં આવેલ ડ્રોપ મોડ્યુલ જે હાલમાં સ્પેસમાં છોડવામાં આવેલ ચંદ્રયાન 3માં ફિટ કરવામાં આવ્યું છે. તેવું જ અલ્ટીમેટર અહીં મોડ્યુલ રૂપે મૂકવામાં આવ્યો છે. આ ઉપરાંત સ્પેસમાં સામાનનું વજન ઓછું કરવા માટે પણ જે સિસ્ટમ વપરાય છે તે ઈસરો દ્વારા તૈયાર કરવામાં આવી છે. આ ઉપરાંત નાસા તેમજ ઈસરો દ્વારા જોઈન્ટ એડવેન્ચર તરીકે જેનો ઉપયોગ કરવામાં આવે છે. તે મોડ્યુલ પણ અહીં મૂકવામાં આવ્યું છે. આમ ઇસરો દ્વારા તૈયાર કરવામાં આવેલ તમામ મોડ્યુલ આ એક્ઝિબિશનમાં મૂકવામાં આવ્યા છે. આ તમામ સિસ્ટમનું નિર્માણ ભારતમાં જ કરવામાં આવ્યું હતું.
સ્પેસમાં સામાનનું વજન ઓછું કરવા માટે પણ જે સિસ્ટમ વપરાય છે તે ઈસરો દ્વારા તૈયાર કરવામાં આવી ભારતમાં બે ફાઉન્ડ્રી:ડિઝાઇન બાય ઈસરો સાયન્ટિસ્ટ એન્ડ ડેવલપ બાય SCI દ્વારા તૈયાર કરવામાં આવે છે. જે ભારતની ફાઉન્ડ્રી બનાવે છે. આ ઉપરાંત એક અન્ય હૈદરાબાદ ખાતે પણ ફાઉન્ડ્રી આવેલી છે. આ બે ફાઉન્ડ્રીમાં ડિઝાઇન બનાવવામાં આવે છે. ભારતમાં બે જ ફાઉન્ડ્રી હોવાથી અમુક વસ્તુઓ વિદેશથી મંગાવી પડે છે. પરંતુ જો એ ફાઉન્ડ્રી ભારતમાં આવે તો સેમિકન્ડક્ટર ઇન્ડસ્ટ્રીઝને ખૂબ જ ફાયદો થશે. એ ભારતના એન્જિનિયર દ્વારા તૈયાર કરવામાં આવેલી ચીપ્સ ખૂબ જ સસ્તા દરે પણ પ્રાપ્ત થઇ શકે છે.
- PM Modi Gujarat Visit Live Update: ભારત સેમિ કન્ડક્ટર ઇન્ડસ્ટ્રીઝ માટે રેડ કાર્પેટ પાથરી રહ્યું છે. - PM મોદી
- Semicon India 2023 : ગુજરાતમાં સેમિકન્ડક્ટર ક્ષેત્રમાં રોકાણ અને રોજગારીના નવા દ્વાર ખુલશે : મુખ્યપ્રધાન
