હરેન પંડ્યા હત્યા કેસઃ આરોપીઓની સજા યથાવત, સુપ્રીમ કોર્ટે પુનર્વિચાર અરજી ફગાવી

અમદાવાદ: ગુજરાતના પૂર્વ ગૃહ પ્રધાન હરેન પંડ્યા મર્ડર કેસમાં સુપ્રીમ કોર્ટે ફેરવિચારણા અરજી ફગાવી દીધી છે. સુપ્રીમ કોર્ટે ગુરુવારના રોજ 10 આરોપીઓની સજા જેમની તેમ રાખી છે. આ મામલે આરોપીઓએ દાખલ કરી ફેરવિચારણા અરજીને રદ કરવાનો ચુકાદો આપ્યો છે. આ કેસમાં આરોપી જાહેર થયેલા 12માંથી 10 આરોપીએ ફેરવિચારણા અરજી દાખલ કરી હતી.

અહીં ઉલ્લેખનીય છે કે, 2003માં ગુજરાતના તત્કાલિન ગૃહપ્રધાન હરેન પંડ્યાની હત્યા કરી દેવામાં આવી હતી. આ કેસમાં સંડોવાયેલા 12 આરોપીમાંથી 10 આરોપીએ આ કેસમાં ફેરવિચારણા અરજી દાખલ કરી હતી, જેને સુપ્રીમ કોર્ટે આજે રદ કરી દીધી છે.