ફાફડાના ભાવ ખિસ્સા ફાડશે, મીઠી જલેબી કડવી બની

અમદાવાદમાં વહેલી સવારથી જ ગુજરાતીઓ તો કેટલાક આગલી રાતથી જ ફરસાણની દુકાન પહોંચી જતા હોય છે.(dashera) તાજા ફાફડા, તીખું તમતમતું પપૈયાનું છીણ, સાથે લાલ મરચા અને ઘીથી લથબથ જલેબી ખાવા માટે લોકો લાંબી લાઈનમાં ઉભા રહી જાય છે.

અમદાવાદ: ભગવાન રામે લંકેશનો વધ કર્યો અને ત્યારબાદ વિજ્યાદશમી પર્વની ઉજવણીની શરૂઆત થઈ હતી. ગુજરાતીઓની જો બીજી ઓળખ હોય તો તે ફાફડા-જલેબી છે તેમ કહીએ તો અતિશ્યોશક્તિ ના કહેવાય. આમ તો આખુ વર્ષ લોકો ફાફડા અને જલેબી ખાતા હોય છે,(price increase in fafda jalebi in dashera ) પરંતુ દશેરાના દિવસે ફાફડા-જલેબી ખાવાનું મહત્વ વિશેષ રહે છે. તો આવો જાણીએ કે આ વર્ષે જલેબી ફાફડા ના ભાવ શું છે અને ગત વર્ષની સરખામણીમાં કેટલો વધારો અને ઘટાડો જોવા મળ્યો છે.

ભાવમાં 5 થી 7 ટકાનો વધારો: ગયા વર્ષે ફાફડાના ભાવ 620 રૂપિયા હતા અને જલેબી ના ભાવ 720 રૂપિયા હતા. આ વર્ષના જલેબી ફાફડા નો ભાવ જાણીએ તો આ વર્ષે, જલેબી નો ભાવ 740 રૂપિયે કિલો અને ફાફડાનો ભાવ 660 રૂપિયા કિલો છે. જે ગત વર્ષની સરખામણીમાં આ વર્ષે જલેબી ફાફડાના ભાવમાં 5 થી 7 ટકાનો વધારો જોવા મળ્યો છે.(dashera) રવિભાઈ રાજપૂતે જણાવ્યું હતું કે, 'બે વર્ષ બાદ દશેરાનો તહેવાર ધામધૂમ પૂર્વક ઉજવવામાં આવી રહ્યો છે ત્યારે આ વર્ષે લોકોમાં જલેબી ફાફડા નો પણ ખૂબ જ મોટા મોટા ઓર્ડર મળી રહ્યા છે.'

ગુજરાતીઓની બીજી ઓળખ ફાફડા-જલેબી

અત્યારથી જ પ્રિ ઓર્ડર આવી ગયા: તેમણે આગળ જણાવ્યુ હતુ કે, 'કોરોનાના બે વર્ષ થઈ ગયા હોવા છતાં પણ જલેબી ફાફડા ગુજરાતીઓના હંમેશા સૌથી પ્રિય રહ્યા છે, તેથી આ વર્ષે 5 થી 7 ટકાનો વધારો થયો હોવા છતાં પણ જલેબી ફાફડા માટે અત્યારથી જ પ્રિ ઓર્ડર આવી ગયા છે. આ વર્ષે જલેબી ફાફડા માટે એટલા બધા ઓર્ડર આવી રહ્યા છે કે, અમારે એના માટે દસ દિવસ અગાઉથી જ તૈયારી ચાલુ કરી દેવી પડી છે.'

ફાફડા-જલેબી ખાવાનો અનેરો જ ઉત્સાહ:નવરાત્રિના છેલ્લા નોરતા સુધી મન મૂકીને ગરબા ખેલૈયાઓ રમતા હોય છે, અને ભલે રાત્રે મોડે સુધી ગરબા રમ્યા હોય પરંતુ બીજા દિવસે વહેલા ઉઠીને

ફાફડા-જલેબી ખાવાનો અનેરો જ ઉત્સાહ રહેતો હોય છે. વહેલી સવારથી જ ગુજરાતીઓ તો કેટલાક આગલી રાતથી જ ફરસાણની દુકાન પહોંચી જતા હોય છે. તાજા ફાફડા, તીખું તમતમતું પપૈયાનું છીણ, સાથે લાલ મરચા અને ઘીથી લથબથ જલેબી ખાવા માટે લોકો લાંબી લાઈનમાં ઉભા રહી જાય છે.