અમદાવાદમાં ડૉક્ટરની બેદરકારીનો વધુ એક કિસ્સો, સારવાર દરમિયાન દર્દીનું મોત

અમદાવાદઃ સરકારી હોસ્પિટલમાં કેટલાક સમયથી ડોકટરની બેદરકારી સામે આવી રહી છે. ત્યારે શારદાબેન હોસ્પિટલમાં અકસ્માત બાદ સારવાર અર્થે આવેલા વ્યક્તિનું સમયસર સારવાર ન મળવાના કારણે મોત થયાનું પરિવારજનોએ આક્ષેપ કર્યા છે.

શહેરના હાથીજન સર્કલ પાસે બપોરના સમયે મહેબૂબભાઈનો અકસ્માત થયો હતો. આ અકસ્માત બાદ તેમને સારવાર અર્થે શારદાબેન હોસ્પિટલ ખાતે ખસેડવામાં આવ્યા હતા. જ્યાં દર્દીનુ સીટી સ્કેન કરાવાયું હતું. પરંતુ, દાખલ કરવામાં ન આવતા સાંજના સમયે તેમનું મોત નિપજ્યું હતું. પરિજનોએ હોસ્પિટલ પર આક્ષેપ કર્યા હતા કે, હોસ્પિટલની બેદરકારીને કારણે અને સમયસર સારવાર ન મળવાને કારણે દર્દીનું મોત થયું છે.