ભેંસને છોડાવા માટેની અરજીની સુનાવણી, ભેંસને છોડવા હાઇકોર્ટે કર્યો આદેશ

ગુજરાત હાઇકોર્ટમાં અનોખો કિસ્સો સામે આવ્યો હતો. ભેંસોને છોડાવવા માટે હાઈકોર્ટમાં અરજી કરવામાં આવી હતી. જેમાં હાઇકોર્ટ દ્વારા 60 હજારના બોન્ડ પર ભેંસોને મુક્ત કરવા આદેશ કરવામાં આવ્યો હતો.

• પોલીસે 4 ભેંસોની કસ્ટડી લેતા હાઇકોર્ટમાં અરજી
• હાઇકોર્ટે 3 ભેંસ મુક્ત કરી
• 4 ભેંસમાંથી એક ભેંસનું મોત

અમદાવાદ : ગુજરાત હાઇકોર્ટમાં અનોખો કેસ દાખલ કરવામાં આવ્યો હતો. જેમાં ભેંસોને છોડાવવા માટે હાઇકોર્ટમાં અરજી કરવામાં આવી હતી. આ અરજીમાં હાઇકોર્ટ દ્વારા 60 હજારના બોન્ડ પર ભેંસોને મુક્ત કરવા આદેશ કરવામાં આવ્યો હતો.

ત્રણ ભેંસોને મુક્ત કરવા હાઇકોર્ટે કર્યો આદેશ

આ સાથે જ ભેંસોની સંભાળ રાખવા બદલ ટ્રસ્ટને અરજદારે 60 હજાર ચૂકવવાનો પણ હાઇકોર્ટ દ્વારા આદેશ કરવામાં આવ્યો છે. આણંદમાં 4 ભેંસોને બોલેરોમાં રાખવામાં આવી હતી. જે કારણે મહેલાવ પોલીસે આ ભેંસોને કસ્ટડીમાં રાખવામાં આવી હતી. જે બાદ અરજદારે કરેલી અરજી મુદ્દે ત્રણ ભેંસોને મુક્ત કરવા હાઇકોર્ટે આદેશ કર્યો છે.

પેટલાદ રણછોડજી મંદિર ટ્રસ્ટ ખાતે એક ભેંસનું મોત

3 ભેંસને પોલીસ કસ્ટડીમાંથી મુક્ત કરાવવા માટે માલિક દ્વારા ગુજરાત હાઇકોર્ટમાં અરજી કરવામાં આવી હતી. આણંદની મહેલાવ પોલીસ દ્વારા ચાર ભેંસને કારમાં ક્રુરતાપૂર્વક રાખવા બદલ ફરિયાદ નોંધવામાં આવી હતી. જે બાદ આ ભેંસોને પેટલાદ રણછોડજી મંદિર ટ્રસ્ટ ખાતે ભેંસોને રાખવામાં આવી હતી. જે દરમિયાન એક ભેંસનું મોત થયું હોવાનું અરજદારના વકીલ દ્વારા દલીલમાં જણાવવામાં આવ્યું હતું.

60,000 જમા કરાવવાનો આદેશ

ગુજરાત હાઈકોર્ટે ત્રણેય ભેંસોને મુક્ત કરવાની મંજૂરી આપી હતી. આ સાથે અરજદારને સિક્યોરિટી બોન્ડ તરીકે કોર્ટ સમક્ષ રૂપિયા 60,000 જમા કરાવવાનો આદેશ કર્યો હતો. આ ઉપરાંત કોર્ટે ભેંસોની સંભાળ રાખવા બદલ અરજદારને રણછોડજી મંદિર ટ્રસ્ટને પણ રૂપિયા 20,000 ચૂકવવાનો આદેશ કર્યો હતો. આ સાથે કોર્ટે અરજદારને સૂચન કર્યું કે, પ્રાણીઓ પ્રત્યે ક્રૂર નહીં બને અને એનું યોગ્ય સંચાલન કરશે.

કોર્ટે નોંધ્યું કે, અરજદારની આવક પશુ પર નિર્ભર

કોર્ટ સમક્ષ રજૂઆત કરતા અરજદારના વકીલે જણાવ્યું કે, અરજદાર પ્રાણીઓનો માલિક છે, તેમજ કાજીપુરા દૂધ ઉત્પાદક સહકારી મંડળી લિમિટેડમાં દુધ ભરે છે. અરજદારની આવક સંપૂર્ણપણે પશુ પર નિર્ભર છે. રણછોડજી મંદિર ટ્રસ્ટમાં રાખવામાં આવેલી 4 ભેંસમાંથી એક ભેંસનું મોત થયું છે.

કેમ પોલીસે કસ્ટડીમાં લીધી હતી ભેંસો?

આણંદના મહેલાવ પોલીસે 4થી માર્ચના રોજ પેટ્રોલિંગ દરમિયાન કારને અટકાવી હતી, જેમાં મોં અને પગ બાંધેલી હાલતમાં 4 ભેંસ મળી આવી હતી. જે બાદ કાર ડ્રાઇવરની પૂછપરછ કરતા સમયે સંતોષકારક જવાબ ન મળ્યો ન હતો. જે કારણે પોલીસને કતલખાને લઇ જતો હોવાની શંકા ગઇ હતી. પોલીસે આ શંકાના આધારે ગુનો નોંધી 4 ભેંસોને કસ્ટડીમાં લીધી હતી.