અમદાવાદઃ 1411થી અમદાવાદનો વિકાસ હરણફાળ ગતિએ થઈ રહ્યો છે. અહમદશાહે વિકસાવેલા અમદાવાદનો વિકાસ આજ સુધી અટકાયો નથી, એક સમયે કાપડ ક્ષેત્રે વિશ્વમાં નામના મેળવેલા અમદાવાદ આજે ઘણા ક્ષેત્રોમાં નામના ધરાવે છે.
BRTS જેવી સરળ પરિવહન સુવિધાઓ સાથે આવનારા થોડા જ દિવસોમાં મેટ્રો પણ અમદાવાદીઓના જીવનનો એક ભાગ બની જશે. અમદાવાદની મધ્યમાં આવેલા રિવરફ્રન્ટ અમદાવાદની શાનને વધારી રહ્યું છે. આ સિવાય અવનવી આધુનિક સુવિધાઓ પણ અમદાવાદ શહેરને અન્ય શહેરોની હરોળથી અલગ કરે છે. અમદાવાદ જેટલું આધુનિક અને વિકસિત છે, તેનો ઈતિહાસ પણ એટલો જ મોટો છે. અમદાવાદ ઈતિહાસમાં અનેક કારણોસર વિખ્યાત છે. ગાંધીજી દ્વારા સાબરમતી નદી કાંઠે સ્થાપાયેલા સાબરમતી આશ્રમથી દાંડી કુચ જેવી ગાથાઓ પણ અમદાવાદ સાથે જોડાયેલી છે.
ધૂળિયા નગરીમાંથી ગુજરાતનો ધબકાર બનેલા અમદાવાદ શહેરના નગરજનોના સપનાની ઉડાડવાનું ફલક બન્યું છે. અમદાવાદએ રમખાણો, ભૂકંપ જેવી ઘટનાઓ જોઈ છે, પણ આ ઘટનાઓમાંથી બેઠું થયેલું શહેર હંમેશા દેશની કોઈ પણ ઘટનાની પડખે ઊભું છે.
અમદાવાદનો આજે 610મોા જન્મદિવસ અમદાવાદમાં દાદા હરિની વાવ, અમૃતવર્ષીની વાવ, અડાલજની વાવ, જેઠાભાઇની વાવ અને માતા ભવાનીની વાવ પણ આવેલી છે, અને આ ઉપરાંત સીદી-સૈયદની જાળી એ સીદી-સૈયદની મસ્જિદની એક દિવાલ પર લાલ દરવાજા પાસે આવેલી છે. આ જાળીની ખાસિયત એ છે કે, આટલી મોટી જાળી એક જ પથ્થરમાંથી બનાવેલી છે. IIM અમદાવાદના પ્રતિકમાં પણ સીદી-સૈયદની જાળીનો સમાવેશ કરવામાં આવ્યો છે.
અમદાવાદ શહેરના માણેકચોકમાં રાણીનો હજીરો આવેલો છે, જે મુગલની બીબીનો મકબરો અથવા બાદશાહની રાણીઓની તરીકે જાણીતો છે. હાલ રાણીના હજીરા મહિલાઓ માટેના વસ્તુઓ તથા મુખવાસ માટેનું બજાર ભરાય છે. માણેકચોકમાં અમદાવાદનું મોટું માર્કેટ હતું. સવારથી અહીં શાકમાર્કેટ ભરાય બપોરે સોનું ચાંદી અને આંગળીયા માર્કેટ સાડી અને રાત્રે ખાણી-પીણીનો બજાર ભરાય માણેકચોક ખાણીપીણી બજાર ખૂબ જ પ્રસિદ્ધ છે.
