રેન્જ IG ઓફિસની સામે જ આ પ્રકારનું મોટુ હોર્ડિંગ લાગ્યું -

ગુજરાત વિધાનસભાની ચૂંટણી (Gujarat Wide Protest) નજીક આવતા જુદા જુદા રાજકીય પક્ષો વચ્ચે જાણે આખલા યુદ્ધ શરૂ થયું હોય એવો માહોલ જોવા મળી રહ્યો છે. ખાસ કરીને આમ આદમી પાર્ટી (Aam Admi Party Gujarat) સામે ભાજપ સામો જવાબ દેવાનું એક પણ મોકો ચૂકતી નથી. એવમાં ગુજરાતના મહાનગર સહિત જુદા જુદા શહેર-નગરમાં આમ આદમી પાર્ટીના વિરોધમાં (Protest against Aam Admi party) પોસ્ટર લાગતા ફરી ચૂંટણી પહેલા જાણે પોસ્ટર પોલિટિક્સ શરૂ થયું હોય એવો માહોલ જોવા મળ્યો છે.

અમદાવાદ, રાજકોટ વડોદરા, સુરતઃદિલ્હી આમ આદમી પાર્ટીના નેતા (Aam Admi Party Gujarat) રાજેન્દ્ર પાલે શુક્રવારે ધર્મપરિવર્તન અંગે વિવાદાસ્પદ ટિપ્પણી કરી હતી. જેની અસર રાજકીય માહોલ પર એવી પડી રહી છે કે, મહાનગરમાં વિરોધ પ્રદર્શન શરૂ થઈ ગયા છે. આ મામલે રાજકોટમાંપ્રધાન અરવિંદ રૈયાણીએ આકરી પ્રતિક્રિયા આપી હતી. તેમણે કહ્યું હતું કે, તેઓ આ ઘટનાને વખોડી (Gujarat Wide Protest) કાઢે છે. અમદાવાદ, સુરત, વડોદરા અને રાજકોટામાં ચૂંટણી પહેલા આમ આદમી પાર્ટી વિરૂદ્ધ એવા પોસ્ટર (Protest against Aam Admi party) લાગ્યા હતા કે, હું હિન્દુ ધર્મને પાગલપન માનું છું. હું બ્રહ્મા, વિષ્ણું, મહેશ રામ, કૃષ્ણને ઈશ્વર માનીશ નહીં

અમદાવાદમાં પોસ્ટર વોરઃઅમદાવાદના પ્રવેશ દ્વાર સમા એસ.જી.હાઈવે પર આ પ્રકારના પોસ્ટર જોવા મળ્યા હતા. એ સિવાય વાડજ અને થલતેજ વિસ્તારમાં આ હિન્દ હિતરક્ષક સમિતીએ કેજરીવાલના ફોટો સાથે આ પોસ્ટર લગાવ્યા છે. આ પ્રકારના પોસ્ટરથી શિયાળો શરૂ થાય અને પવન પલટાય એ રીતે રાજકારણમાં વાયરાએ દિશા બદલી છે. એક પોસ્ટરમાં તો અરવિંદ કેજરીવાલને એક ચોક્કસ ધર્મની ટોપી પહેરેલા દર્શાવાયા છે. આમ ગુજરાતમાં પોસ્ટર પોલિટિક્સ શરૂ થયું છે.

વડોદરામાં ગો બેકઃવડોદરામાં દિલ્હીના સીએમ અરવિંદ કેજરીવાલ મુલાકાત લીધી હતી. પણ ભારે વરસાદને કારણે તેઓ દાહોદથી બાય રોડ વડોદરા આવવા માટે નીકળ્યા હતા. જોકે, એમના આગમન પહેલા વડોદરામાં ભાજપ અને આમ આદમી પાર્ટીના કાર્યકર્તાઓ વચ્ચે ઝપાઝપી થઈ ગઈ હતી. 3 વાગ્યે વડોદરામાં કેજરીવાલનો રોડ શૉ હતો. એમાં વરસાદ વિલન બની રહ્યો હતો. જોકે, 5 વાગ્યા સુધી કેજરીવાલનું કોઈ આગમન થયું ન હતુું. વડોદરા એરપોર્ટની બહાર કેજરીવાલને વિરોધનો સામનો કરવો પડ્યો છે. હવે બીજી વખત ગો બેક રસ્તા પર લખી દેવામાં આવ્યું હતું. વ​ડોદરાના ન્યાય મંદિર ખાતે મોટી સંખ્યામાં આપ અને ભાજપના કાર્યકરો મોટી સંખ્યામાં એકત્ર થયા હતા. ભાજપ અને આમ આદમીના કાર્યકરો વચ્ચે ઝપાઝપી થઈ હતી. બીજી તરફ આમ આદમી પાર્ટીના કાર્યકરોએ કેજરીવાલ હિન્દુ વિરોધી છે તેવા પોસ્ટરો ફાડી નાખ્યા હતા. થોડા સમય માટે વાતાવરણ તંગ બની ગયું હતું.

સુરતમાં વિરોધ પ્રદર્શનઃઆ પોસ્ટર પોલિટિક્સમાં સુરતના હિન્દુ સંગઠનો સક્રિય થયા હતા. સુરતમાં પણ હિન્દુ વિરોધી પોસ્ટરને કારણે રાજકીય માહોલ ગરમાયો હતો.આ પ્રકારના બેનરો લાગતા અનેક સવાલો ઊભા થઈ રહ્યા છે. આ બેનર કોના દ્વારા અને શા માટે લગાવ્યું છે તે હજુ જાણવા મળ્યું નથી.રેન્જ IG ઓફિસની સામે જ આ પ્રકારનું મોટુ હોલ્ડીંગ્સ લાગ્યું છે.

રાજકોટઃઆ સમગ્ર ઘટનાના પડઘા સૌરાષ્ટ્રના મહાનગર રાજકોટમાં પણ પડ્યા છે. જોકે, થોડ સમય બાદ રાજકોટમાંથી આ પ્રકારના પોસ્ટર દૂર કરી દેવામાં આવ્યા હતા.

કોણ શું બોલ્યુંઃઆ સમગ્ર ઘટના અંગે રાજકીય નેતાઓએ પોતાની પ્રતિક્રિયા આપી દીધી છે. ખાસ કરીને ભારતીય જનતા પાર્ટીમાંથી પ્રવક્તાથી લઈને પૂર્વ મુખ્યપ્રધાન સુધીના વ્યક્તિઓએ કેજરીવાલ સામે બળાપો ઠાલવ્યો છે. આ સાથે આમ આદમી પાર્ટીથી ગુજરાતની પ્રજાને ચેતવા જેવા સંકેત પણ આપી દીધા છે.

'જ્યારથી આમ આદમી પાર્ટીની સ્થાપના થઈ છે ત્યારથી હું જાણું છું કે આ પાર્ટીની કાર્યશીલતા કઈ પ્રકારની છે. આમ આદમી પાર્ટી દેશમાં અરાજકતા ફેંલાવવા માટે અને દેશનું નુકસાન કરનારાથી ચાલે છે. દિલ્લીમાં વોટ બેન્ક મજબૂત કરવામાં કર્યા કરે છે. ભૂતકાળમાં ધાર્મિક લાગણીને ઠેસ પહોંચે ( poster war between BJP and AAP )એ માટે આમ આદમી પાર્ટીના રાષ્ટ્રીય અને ગુજરાતના નેતાઓ કાર્યો કરે છે.દિલ્હીમાં શાહીન બાગ ખાતે નાગરિકતા કાનૂનનો વિરોધ કરતા લોકોને આમ આદમી પાર્ટીના નેતાઓ મળવા જતા હતાં.'- ભાજપ મહામંત્રી પ્રદીપસિંહ વાઘેલા

હિન્દુ વિરોધી આમ આદમી પાર્ટીને ગુજરાતની પ્રજા માફ નહીં કરે, એકતરફ ભગવાન દ્વારકાધીશનો જયઘોષ કરાવે અને બીજુતરફ શ્રીકૃષ્ણના સુદર્શન ચક્રને ઝાડુ સાથે સરખાવી તરત અપમાન કરે છે. બ્રહ્મા-વિષ્ણુ-મહેશને ભગવાન નહીં માનવાના સંકલ્પ લેવડાવતી AAP ગેંગ ગુજરાતમાં હિન્દુના સમર્થક હોવાનો ડોળ કરે છે- મનન દાણી, સહ-ક્ન્વીનર, વડોદરા

"AAP ડબલ સ્ટાન્ડર્ડ વાળી પાર્ટી છે. હવે AAPની પોલ ખોલતી જાય છે. હું AAPને એટલું જ કહીશ કે તમે હિન્દુ ધર્મ વિરુદ્ધ વાત કરો છો, તમે શું કરવા માંગો છો એ લોકો જાણી ગયા છે. ગુજરાતનો હિન્દુ આ બાબતે સ્ટ્રોંગ છે."-વિજય રૂપાણી, પૂર્વ મુખ્યપ્રધાન

હું પણ હિન્દુ છું અને કેજરીવાલ પણ હિન્દુ છે અમને હિન્દુ હોવાનો ગર્વ છે, પરંતુ હિન્દુત્વના નામે આ પ્રકારની રાજનીતિ ન કરવી જોઈએ. અમે લોકો ગુજરાતમાં વિકાસના કામો કરવા જઈ રહ્યા છીએ એટલે અમારો આ પ્રકારે ખોટી રીતે વિરોધ થઈ રહ્યો છે બેનર લગાવીને ભાજપ શું સાબિત કરવા માંગે છે એ ખબર નથી પડતી.- ઈન્દ્રનીલ રાજ્યગુરૂ