Gujarat University EMRC Seminar: ભારત સરકાર ડિજિટલ યુનિવર્સિટી શરૂ કરશે, ડિજિટલ કન્ટેન્ટ વિદ્યાર્થીલક્ષી જોઇએ

ગુજરાત યુનિવર્સિટીના એજ્યુકેશનલ મલ્ટીમીડિયા રિસર્ચ સેન્ટર (EMRC) દ્વારા નેશનલ સેમિનાર યોજાયો હતો. જેમાં ડિજિટલ કન્ટેન્ટના વિષયમાં ચર્ચા થઈ હતી. ભારત સરકાર ડિજિટલ યુનિવર્સિટી શરૂ કરવા જઈ રહી છે અને તેમાં ઈએમઆરસી મુખ્ય રોલ ભજવી રહી છે.

અમદાવાદ: એજ્યુકેશનલ મલ્ટીમીડિયા રિસર્ચ સેન્ટર (EMRC), ગુજરાત યુનિવર્સિટી દ્વારા “ડીઝાઈન એન્ડ ડેવલપમેન્ટ ઓફ ડિજિટલ કન્ટેન્ટ” વિષય પર નેશનલ સેમીનાર યોજાયો હતો. મેસીવ ઓપન ઓનલાઈન કોર્સ (MOOCs) ડેવલપમેન્ટના સંદર્ભમાં ઈ.એમ.આર.સી ગુજરાત યુનિવર્સિટી દ્વારા નેશનલ સેમિનારનું આયોજન કરવામાં આવ્યું છે, જે ગુજરાત યુનિવર્સિટી કેમ્પસમાં 16 અને 17 માર્ચ 2023ના રોજ યોજાશે.

આપણે ડિજિટલ કન્ટેન્ટ ડેવલપમેન્ટમાં હજી ઘણું સારું કરી શકીએ છીએ

શૈક્ષણિક ડીજીટલ કન્ટેન્ટ ડેવલપમેન્ટમાં રૂચી વધે તેવો પ્રયાસ : કોન્સોર્ટિયમ ફોર એજ્યુકેશનલ કોમ્યુનિકેશન (CEC), નવી દિલ્હીના સહયોગથી ગુજરાત યુનિવર્સિટીના ઝૂઓલોજી ઓડિટોરિયમ ખાતે સેમિનારનો ઉદઘાટન સમારોહ યોજાયો હતો. આ રાષ્ટ્રીય પરિસંવાદનો મુખ્ય ઉદ્દેશ્ય અધ્યાપકો દ્વારા શૈક્ષણિક ડિજિટલ કન્ટેન્ટ ડેવલપમેન્ટમાં રૂચિ વધે અને તેમનું તૈયાર કરાયેલું ડિજિટલ કન્ટેન્ટ ભારતભરના વિદ્યાર્થીઓ સુધી પહોંચે તે છે.

આ પણ વાંચો MJ Library Budget 2023: પુસ્તકાલયની કાયા પલટાશે, 15 કરોડના ખર્ચે બનશે ડિજિટલ લાયબ્રેરી

ડિજિટલ કન્ટેન્ટ વિદ્યાર્થીલક્ષી હોવું જોઈએ : ગુજરાત યુનિવર્સિટીના વાઈસ ચાન્સેલર પ્રો. હિમાંશું પંડ્યાએ જણાવ્યું કે શૈક્ષણિક કન્ટેન્ટ ડેવલપમેન્ટ એ હંમેશા વિદ્યાર્થીલક્ષી હોવું જોઈએ. આ ડિજિટલ ડિલિવરી સિસ્ટમમાં અધ્યાપકોએ પહેલા ગ્રાહકને સમજવાની જરૂર છે (જે આપણા વિદ્યાર્થીઓ છે). આપણે ડિજિટલ કન્ટેન્ટ ડેવલપમેન્ટમાં હજી ઘણું સારું કરી શકીએ છીએ. આપણી પાસે વિશાળ તકો છે. ઉચ્ચ શિક્ષણ માટે ડિજિટલ સામગ્રી તૈયાર કરતી વખતે પ્રથમ અને મુખ્ય બાબત એ છે કે વિદ્યાર્થીઓ અને તેમની જરૂરિયાતોને સમજવી જોઈએ.

ભારત સરકાર ડીજીટલ યુનિવર્સિટી શરૂ કરી રહી છે: સેમિનારના મુખ્ય અતિથિ પ્રો. જે.બી. નડ્ડાએ ભારતના ઉચ્ચ શિક્ષણ ક્ષેત્રમાં CEC અને EMRCsના યોગદાન વિશે વાત કરી હતી. આવનારા સમયમાં ભારત સરકાર દ્વારા શરુ થવા જઈ રહેલ ડિજિટલ યુનિવર્સિટી વિશે વાત કરતાં જણાવ્યું હતું કે આ યુનિવર્સિટી માટેનું શૈક્ષણિક કન્ટેન્ટ ડેવલપમેન્ટ અત્યારથી જ ચાલુ થઇ ગયું છે. જેમાં સી.ઈ.સી. અને ઈ.એમ.આર.સી. દ્વારા મહત્વની કામગીરી કરવામાં આવી રહી છે.

આ પણ વાંચો Digital content : ડિજિટલ સામગ્રી તમારી વિઝ્યુઅલ ધારણાને બદલી શકે છે: સંશોધન

સેમિનાર બે દિવસ ચાલશે : રાષ્ટ્રીય સેમિનારનું ઉદઘાટન નવી દિલ્હી CEC-UGCના ડાયરેક્ટર પ્રો. ડૉ. જગત ભૂષણ નડ્ડા દ્વારા કરવામાં આવ્યું હતું. જે દરમ્યાન ગુજરાત યુનિવર્સિટીના વાઈસ ચાન્સેલર પ્રો. ડૉ. હિમાંશુ પંડ્યા, ઈએમઆરસીના ડાયરેક્ટર નરેશ દવે અને ગાંધીનગર આઈઆઈટીના પ્રોફેસર સમીર સહસ્ત્રબુદ્ધે હાજર રહ્યા હતા.

ભારત સરકાર ડિજિટલ યુનિવર્સિટી શરૂ કરવા જઈ રહી છે અને તેમાં ઈએમઆરસી મુખ્ય રોલ

વિવિધ વિષયો પર ચર્ચા થશે : બે દિવસીય આ રાષ્ટ્રીય સેમિનાર દરમ્યાન ઇન્ટરેક્ટિવ વીડિયો પ્રોડક્શન, MOOCs પ્રપોઝલ રાઇટિંગ, ડિજિટલ કન્ટેન્ટ ડેવલપમેન્ટના મહત્વનાં પાસાઓ, શિક્ષણમાં કૉપિરાઇટ મુક્ત સામગ્રીનો ઉપયોગ વગેરે વિષય પર નિષ્ણાતો દ્વારા થીયેરી અને પ્રેક્ટીકલ સેશન લેવાશે. આ સત્રો માટે IIT ગાંધીનગર, MIT પુણે અને વિદ્યાલંકાર મુંબઈ જેવી પ્રતિષ્ઠિત સંસ્થાઓના વિષય નિષ્ણાતો હાજર રહેશે.