ભગા બારડના વકીલે હાઇકોર્ટમાં દલીલ કરી કે, આગામી 28મી માર્ચ સુધીમાં પેટા-ચૂંટણી પર સ્ટે આપવામાં નહીંઆવે તો મુશ્કેલી ભરી પરિસ્થિતિ સર્જાઈ શકે છે. કારણ કે 28મી માર્ચે તાલાલા બેઠકની પેટા-ચૂંટણીના ફોર્મ ભરાવાના શરૂ થઈ જશે. સામાન્ય રીતે કોઈ ધારાસભ્યને ગેરલાયક માનવામાં આવેત્યારે 8 સપ્તાહ સુધીમાંઅપિલ કરવાની જોગવાઈ હોય છે. પરંતુ ચૂંટણી પંચ દ્વારા એ સમયે ભગા બારડની સજા પર સ્ટે હોવા છતાં પેટા-ચૂંટણી વહેલી જાહેર કરી દીધી.
ભગા બારડ કેસ બાબતે ચૂંટણી પંચ મંગળવારે હાઇકોર્ટમાં જવાબ રજૂ કરશે - AHM
અમદાવાદઃ કોંગ્રેસ નેતા ભગા બારડને વિધાનસભાના સ્પીકર દ્વારા ગેરલાયક ઠારવ્યા બાદ તાલાલા બેઠક પર વહેલી પેટા-ચૂંટણી યોજવા બાબતે સોમવારે જસ્ટિસ એસ.આર. બ્રહ્મભટ્ટ અને વી.બી. માયાની ખંડપીઠ સમક્ષ સુનાવણી હાથ ધરવામાં આવી હતી. હાઇકોર્ટે કહ્યું કે, શું ચૂંટણી પંચે સ્વૈચ્છિક રીતે પેટા-ચૂંટણી જાહેર કરી છે કે, પછી વિધાનસભાના સ્પીકરના આદેશને જ મેન્ડેટ માનીને વહેલી ચૂંટણી જાહેર કરી દેવાઈ છે. ચૂંટણી પંચને 10મી માર્ચે ભગા બારડને સજા પર સ્ટે અંગે ખબર હોવા છતાં શા માટે ચૂંટણી વહેલી જાહેર કરી દેવામાં આવી. હાઇકોર્ટે આ મુદ્દાને લઈને ચૂંટણી પંચને મંગળવાર સુધીમાં જવાબ સાથે એફિડેવિટ રજૂ કરવાનો હુકમ કર્યો છે.
ફાઈલ ફોટો
બારડના વકીલે વધુમાં કહ્યું કે, અગાઉ ઘણા એવા નેતા છે કેજેમને સજા થઈ ચૂકી છે,પરંતુ તેમને સસ્પેન્ડ કરવામાં આવ્યા નથી. ભગા બારડને 6 વર્ષ માટે સસ્પેન્ડ કરાયા, તો ભાજપાના ઘણા એવા નેતા છે કે તેમને કોર્ટ સજા ફટકારી છે. તેમને કેમ સસ્પેન્ડ ન કરાયા હોવાનો પશ્નકર્યોહતો. અમરેલી ભાજપના સાંસદ નારાયણ કાચડિયાને પણ 3 વર્ષની સજા થઈ હતી અને હજી સુધી તેમને સસ્પેન્ડ કરવામાં આવ્યા નથી.
હાઇકોર્ટે આ મામલે મહત્વનો અવલોકન કરતા કહ્યું કે, કોઈ નેતાને કોર્ટ સજા આપે અને સ્પીકર તેને સસ્પેન્ડ કરે એમ બન્નેપ્રક્રિયા એક બીજાથી તદ્દન જુદી છે. જ્યારે કોર્ટ સજા ફટકારે ત્યારથી જ પદ ધરાવતી વ્યક્તિ સસ્પેન્ડ થવાને પાત્ર છે. જો સ્પીકર કોર્ટના ચુકાદા મુજબ સસ્પેન્ડ કરે તો કાયદાકીય પ્રક્રિયા બને છે. આ મામલે વધુ સુનાવાણીમંગળવારેહાથ ધરવામાં આવશે એવી શક્યતા વ્યક્ત કરવામાં આવી રહી છે.