અમદાવાદમાં બ્રિજ છેલ્લા કેટલાક સમયથી બંધ, લોકોને હાલાકી

અમદાવાદ: જિલ્લામાં આવેલા અનુપમ બ્રિજનું સમારકામ ચાલુ હોવાથી તે બ્રિજ છેલ્લા છ મહિનાથી બંધ હાલતમાં છે. મળતી માહિતી મુજબ બ્રિજનું રીપેરીંગ કામ એક મહિના સુધી ચાલુ હતું, પરંતુ ત્યારબાદ કોઈ કારણસર સમારકામ બંધ રહ્યું છે.

જિલ્લામાં દિવસેને દિવસે ટ્રાફિકની સમસ્યા ખૂબ જ વધી રહી છે, ત્યારે શહેરના ખોખરા વિસ્તારમાં આવેલા અનુપમ રેલવે બ્રિજનું સમારકામ ખુબ જ ગોકળગતિએ ચાલી રહ્યું છે અને હાલમાં આ બ્રિજ બંધ હાલતમાં હોવાથી લોકોને મુશ્કેલી પડી રહી છે. વર્તમાનમાં વાહનચાલકો માટે ફક્ત એક જ બ્રિજ જે મદ્રાસી મંદિર વાળો ચાલુ હોવાથી બે કિલોમીટર પસાર કરતા એક કલાકથી વધુ સમય પસાર થતો હોય છે. આ બંધ બ્રિજને કારણે લોકોને હાલમાં હાલાકીનો સામનો કરવો પડી રહ્યો છે.