એરપોર્ટ પરથી સોનાના બિસ્કીટ સાથે મુસાફર સહીત ગ્રાઉન્ડ સ્ટાફની ધરપકડ - gujaratinews
અમદાવાદઃ એરપોર્ટ પર દાણચોરીના બનાવોમાં વધારો થઇ રહ્યો છે. અઠવાડિયામાં જ દાણચોરીના ચોરીનો બીજો કિસ્સો સામે આવ્યો છે. જેમાં 24 કિલો સોનાનાં બિસ્કીટ સાથે એક ઈસમને કસ્ટમ વિભાગે ઝડપ્યો હતો. સાથે જ તેની મદદ કરનાર ગ્રાઉન્ડ સ્ટાફમાં ફરજ બજાવતા યુવકને પણ ઝડપી પાડ્યો છે.
એરપોર્ટ પરથી સોનાના બિસ્કીટ સાથે મુસાફર સહીત ગ્રાઉન્ડ સ્ટાફની કરાઈ ધરપકડ
દુબઈથી અમદાવાદ આવેલા શખ્સે એરપોર્ટ પરના ગ્રાઉન્ડ સ્ટાફના જીગ્નેશ નામના યુવકની મદદથી 24 કિલો સોનાના બિસ્કીટ એરપોર્ટ બહાર લઇ જવાનો પ્લાન ઘડ્યો હતો. આ બાબતની કસ્ટમ વિભાગને જાણ થતા કસ્ટમ વિભાગે જીગેશ નામના ગ્રાઉન્ડ સ્ટાફર અને દુબઈથી બિસ્કીટ લાવનાર ઇસમને ઝડપી પાડ્યા હતા. સોનાના બિસ્કીટ પણ જપ્ત કરવામાં આવ્યા હતા. આ અંગે કસ્ટમ વિભાગે બન્ને ઇસમની અટકાયત કરી કાર્યવાહી હાથ ધરી છે.