અમદાવાદ:ગુજરાતમાં ક્રાઇમના કેસમાં સતત વધારો જોવા મળી રહ્યો છે. વધી રહેલા ક્રાઇમ વચ્ચે પોલીસને ભેદ ઉકેલવામાં પણ એટલી મુશ્કેલી પડતી હશે. પરંતુ પોલીસતંત્ર હંમેશા લોકોને ન્યાય અપાવવા માટે મહેનત કરતું આવ્યું છે. અમદાવાદમાં આવેલા ફતેવાડીમાં રહેતા અઝરૂદ્દીન શેખ નામના યુવકની હત્યા કરવામાં આવી હતી. વેજલપુર પોલીસે હત્યામાં સામેલ ચારેય આરોપીઓની ધરપકડ કરી છે.
ઇજા પહોંચાડી: જેમાં અઝરુદ્દીન શેખ પોતાના ઘરે હાજર હતો. તે સમયે નૂર મસ્જિદ ચાલી પાસે બાદશાહ ખાન પઠાણ તેમજ તેનો ભાઈ સેજુ ખાન પઠાણ અને શાબાદ ખાન પઠાણ તેમજ એક મિત્ર સોહેલ ખાન પાસા આમ ચાર લોકો ભેગા મળીને મૃતકને બોલાવી પોતાની પાસે રહેલી છરી જેવા શિક્ષણ હથિયારો દ્વારા અઝરુદ્દીન શેખને શરીર ઉપર હુમલો કરીને ઈજાઓ પહોંચાડી હતી. જે બાદ તમામ આરોપીઓ ત્યાંથી ફરાર થઈ ગયા હતા. આ મામલે અઝરુદ્દીન શેખને સારવાર માટે હોસ્પિટલમાં ખસેડવામાં આવ્યો હતો. જ્યાં ફરજ પરના ડોક્ટર અઝરૂદ્દીન શેખને મૃત જાહેર કર્યો હતો.
આરોપીની ધરપકડ: પોલીસની પ્રાથમિક તપાસમાં ઝઘડા અને હત્યાનું કારણ જૂની અદાવત હોવાનું સામે આવ્યું છે. જેમાં અઝરૂદ્દીન શેખે બાદશાહ પઠાણને થોડા હાથ ઉછીના રૂપિયા આપ્યા હતા. જે બાબતે રૂપિયા પરત માંગવા જતા દોઢ મહિના પહેલા બંને વચ્ચે ઝઘડો થયો હતો અને મારામારી થઈ હતી. જે બાબતે અદાવત રાખીને બાદશાહ ખાન પઠાણે તેના ભાઈઓ અને મિત્રો સાથે મળીને અઝરૂદ્દીન શેખને ગળાના ભાગે તેમજ છાતીના વાગે અને શરીર ઉપર અન્ય જગ્યા ઉપર છરીથી હુમલો કરીને તેની હત્યા નીપજાવી હતી. આ સમગ્ર મામલે એમ ડિવિઝનના ACP એસ.ડી પટેલે જણાવ્યું હતું કે ' આ ગુનામાં સામેલ તમામ આરોપીની ધરપકડ કરવામાં આવી છે. એક આરોપી ગુનાહિત ઇતિહાસ ધરાવે છે. હાલ વધુ તપાસ પોલીસે હાથ ધરી છે.