અમદાવાદઃ કોરોનાની મહામારી વચ્ચે 19 જૂને રાજ્યસભાની ચૂંટણી યોજાવાની છે. જેને હવે ગણતરીના જ કલાકો બાકી છે, ત્યારે ભાજપ-કોંગ્રેસ બંને એડીચોંટીનું જોર લગાવી રહી છે. કોંગ્રેસ દ્વારા તમામ ધારાસભ્યોને એકડા બગડા ઘૂંટવા માટેની ટ્રેનિંગ સેશનનું આયોજન કરાયું હતું.
અમદાવાદ: રાજીવ સાતવની અધ્યક્ષતામાં ધ ઉમેદ હોટલ પર કોંગ્રેસની બેઠક મળશે
કોરોના કહેરની વચ્ચે ભાજપ અને કોંગ્રેસ રાજ્યસભા ચૂંટણીમાં જોતરાયેલી જોવા મળી રહી છે. બંને પક્ષો પોતાના ધારાસભ્યોને ચૂંટણી અંગેની માહિતી આપવા માટે વિવિધ બેઠકો કરી છે. કોંગ્રેસે તો પોતાના ધારાસભ્યો ચૂંટણી અંગે ટ્રેનિંગ આપવાનું પણ શરૂ કરી દીધું છે. જેમાં તે બેઠક જીતવા માટેની પોતાની રણનીતિ અમલમાં મૂકશે
કોંગ્રેસના ધારાસભ્ય રાજ્યસભાની ચૂંટણી સમયે કઈ રીતે મતદાન કરવું તે અંગે થઈ ચૂંટણીનું ફરીથી મોક પોલિંગ કરશે. મોક પોલિંગ પહેલા કોંગ્રેસના ધારાસભ્યની એક બેઠક મળશે. જેની અંદર નિરીક્ષક તરીકે રજની તાઈ પાટીલ બેઠકમાં ઉપસ્થિત રહેશે. પ્રભારી રાજીવ સાતવની અધ્યક્ષતામાં અને માર્ગદર્શન હેઠળ આ બેઠક મળશે. જેમાં બંને બેઠક જીતવા માટે કોંગ્રેસે પોતાની રણનીતિ અમલમાં મૂકશે.
મળતી માહિતી પ્રમાણે, કોંગ્રેસ પોતાના ધારાસભ્યોને તમામ બાબતની ટ્રેનિંગ આપી આવતીકાલે અહીંથી સીધા જ ગાંધીનગર મતદાન કરવા માટે મોકલવામાં આવશે.