અમદાવાદના સરદાર પટેલ ઇન્ટરનેશનલ એરપોર્ટ પર રાત્રીના સમયે UKની એક ફ્લાઈટ હતી. જેથી ઇમિગ્રેશન વિભાગના અધિકારીઓ ચેકિંગ કરી રહ્યા હતાંં. તે દરમિયાન પેસેન્જર ચેતન પટેલ ઇમિગ્રેશન વિભાગ પર ચેકિંગ કરાવી રહ્યો હતો, ત્યારે તેના પાસપોર્ટ અને વિઝાની તપાસ કરતા તે ડોક્યુમેન્ટ બનાવટી હોવાની શંકા અધિકારીઓને ગઈ હતી. જેથી તેની પૂછપરછ કરતા બહાર આવ્યું કે, ચેતન પટેલે કાનપુર છત્રપતિ શાહુજી મહારાજ વિદ્યાલય ખાતેની બનાવટી માર્કશીટ અને સર્ટીફિકેટ તૈયાર કરાવ્યા હતાં. જેમાં UK જવાનું હોવાથી ડિપ્લોમાની બનાવટી ડીગ્રી બનાવી હતી. આરોપી યુવક ચેતન પટેલ ધોરણ ૧૦ સુધીનો અભ્યાસ કરી ચૂક્યો છે. જ્યાં UKમાં પૈસા કમાવવાની લાલચમાં આરોપી ચેતને બનાવટી માર્કશીટ અને સર્ટીફિકેટ બનાવ્યા હોવાની કબૂલાત કરી હતી.
ડુપ્લીકેટ સર્ટિફિકેટના આધારે સ્ટુડન્ટ વિઝા પર UK જતો આરોપી ઝડપાયો