ગુજરાત યુનિવર્સિટીમાં ઉપકુલપતિ સહિત 4 કર્મચારીઓ કોરોના પોઝિટિવ

રાજ્યમાં સતત કોરોના કેસો વધી રહ્યા છે. ત્યારે ઉચ્ચ શૈક્ષણિક સંસ્થામાં પણ કોરોનાએ માથું ઊંચક્યું છે. ત્યારે ગુજરાત યુનિવર્સિટીમાં પણ ઉપકુલપતિ અને અન્ય 4 કર્મચારીઓ કોરોના પોઝિટિવ આવ્યા છે.

• ગુજરાત યુનિવર્સિટીમાં કોરોનાનો કહેર
• પ્રો. વીસી જગદીશ ભાવસાર થયા કોરોના સંક્રમિત
• લાઈબ્રેરીના વડા યોગેશ પરીખ પણ કોરોના સંક્રમિત
• અન્ય 4 કર્મીઓ પણ કોરોના પોઝિટિવ
• બે દિવસ પહેલા ભાષા ભવનના કર્મચારીનું થયું હતું મૃત્યુ

અમદાવાદઃ ગુજરાત યુનિવર્સિટીમાં બે દિવસ પહેલા જ ભાષા ભવનના કર્મચારીનું કોરોનાને લઈને મૃત્યુ થયું હતું. ત્યારે વધુ કેસો સામે આવ્યા છે. જેમાં ગુજરાત યુનિવર્સિટીના ઉપકુલપતિ જગદીશ ભાવસાર અને લાઈબ્રેરીના વડા યોગેશ પરીખ પણ કોરોના પોઝિટિવ આવ્યા છે. આ ઉપરાંત 3 પ્રોફેસર અને અન્ય 2 કર્મચારી કોરોના પોઝિટિવ આવ્યા છે, એટલે કે કુલ 7 કેસો સામે આવ્યા છે.

આ પણ વાંચોઃગુજરાત યુનિવર્સિટીમાં કોરોનાની દહેશતને પગલે વર્ક ફ્રોમ હોમનો આદેશ

સમગ્ર યુનિવર્સિટીને સેનિટાઇઝ કરવામાં આવી હતી

યુનિવર્સિટી દ્વારા તમામ પ્રકારની તકેદારી રાખવામાં આવી છે. ત્યારે સમગ્ર યુનિવર્સિટીને સેનિટાઇઝ કરવામાં આવી હતી. ત્યારે યુનિવર્સિટી દ્વારા વધુ સંક્રમણ ના ફેલાય તે માટે મહત્વના નિર્ણયો પણ લેવામાં આવ્યા છે. ત્યારે આગામી 5 દિવસ સુધી કર્મચારીઓને વર્ક ફ્રોમ હોમનો આદેશ આપવામાં આવ્યો છે.