Exclusive Interview: ટોક્યો ઓલિમ્પિક્સની સિલ્વર મેડલિસ્ટ Mirabai Chanu

મીરાબાઈએ ( Mirabai Chanu ) ઇતિહાસ બદલીને પોતાના ડર પર કાબૂ મેળવ્યો અને ઈટીવી ભારત સાથે તેમની પાંચ વર્ષની સફર વિશે ખાસ વાતચીત કરી. આ દરમિયાન તેમણે પોતાના મંતવ્યો ખુલ્લેઆમ વ્યક્ત કર્યા. Olympics Silver medalist મીરાબાઈએ તે પણ જણાવ્યું કે તેની અને સિલ્વર મેડલ વચ્ચે આવતા અવરોધોનો સામનો કેવી રીતે કર્યો.

• ઓલિમ્પિક સિલ્વર મેડલિસ્ટ મીરાબાઈ ચાનુ જણાવે છે ખાસ વાતો
• ઈટીવી ભારત સાથે એક્સક્લૂસિવ મુલાકાતમાં મુક્તમને વાતો કરી
• પોતાના ઓલિમ્પિક મેડલની સફરની વાતો અને આગામી આયોજન જણાવ્યાં

ન્યૂઝ ડેસ્કઃ એવું કહેવાય છે કે સમય બધું ભૂલાવી દે છે. પરંતુ ઓલિમ્પિક સિલ્વર મેડલ વિજેતા (Olympics Silver medalist ) મીરાબાઈ ( Mirabai Chanu ) નો રિયોમાં મળેલો ઘા સમય સાથે જ ઊંડો થતો ગયો.એ ક્ષણે, રિયો ઓલિમ્પિક્સનો 7 August 2016 નો તે દિવસ મીરાબાઈ માટે દુઃખદ સ્વપ્નથી ઓછો ન હતો. મીરા તે દિવસે તેની ઇવેન્ટ પૂર્ણ કરી શકી નહીં. મીરાબાઈ 12 વેઈટલિફ્ટરની યાદીમાં બીજી ખેલાડી બની, જે ક્લીન એન્ડ જર્કમાં વજન ઉઠાવવાનો એક પણ સફળ પ્રયાસ કરી શકી ન હતી. જ્યારે ક્લીન એન્ડ જર્ક મીરાબાઈની યુએસપી માનવામાં આવતો હતો.

સમયની સાથે વેઈટ લિફ્ટિંગની મેટ પર મળેલી નિષ્ફળતાને દેશના લોકો તો ભૂલી ગયાં, પરંતુ મીરાબાઈએ ( Mirabai Chanu ) પોતાને માફ ન કરી અને તે દિવસની હાર બાદ તેણે પોતાને વચન આપ્યું હતું કે ટોક્યોમાં દેશના ખાતામાં ચોક્કસપણે તેના નામે મેડલ આવશે.

મીરાબાઈએ તે દિવસોને યાદ કરતાં કહ્યું...

રિયો મારો પહેલો ઓલિમ્પિક હતો. મે બહુ મહેનત કરી હતી. મને ખબર હતી કે એ ઓલિમ્પિકમાં પણ મારો મેડલનો ચાન્સ હતો. મેં રિયો માટે ટ્રાયલ આપી હતી. ત્યારે મેં જે વજન ઉઠાવ્યું હતું તે જ વજન જો હું ઓલિમ્પિકમાં ઉઠાવી શકતી તો મારો સિલ્વર મેડલ ત્યારે જ આવી ગયો હોત. પરંતુ તે દિવસે મારું ભાગ્ય સાથે ન હતું. કદાચ એ દિવસ મારો ન હતો એટલે મેડલ ન આવ્યો.

ઈટીવી ભારત સાથે તેમની પાંચ વર્ષની સફર વિશે ખાસ વાતચીત કરી

મીરાબાઈ સાથે વાતચીતના મુખ્ય અંશ...

ભારતીય વેઇટલિફ્ટર મીરાબાઈ ચાનુએ ( Mirabai Chanu ) ટોક્યો ઓલિમ્પિકમાં ( Tokyo Olympics ) ભારતને પ્રથમ મેડલ અપાવ્યો છે. ચાનુ ઓલિમ્પિકમાં વેઇટલિફ્ટિંગમાં સિલ્વર મેડલ જીતનાર પ્રથમ ભારતીય ( The first Indian to win a silver medal in weightlifting ) ખેલાડી છે. 49 કિલો વજનમાં ચાનુએ આ મેડલ જીત્યો છે. આ કેટેગરીમાં ચીનના હોઉ જહૂુઇએ ગોલ્ડ અને ઇન્ડોનેશિયાની વિન્ડી અસાહે બ્રોન્ઝ મેડલ જીત્યો. ચાનુએ કુલ 202 કિલો વજન ઉપાડીને ભારત માટે સિલ્વર મેડલ જીત્યો.

પ્રશ્નઃ ઓલિમ્પિક સિલ્વર મેડલ લઇને તમે ભારત આવ્યાં છો. તમારા માટે કેટલો અલગ છે આ અનુભવ

ઉત્તરઃ (હસતાં હસતાં) મને બહુ ખુશી થઈ રહી છે. ખૂબ બધો પ્રેમ મળ્યો છે. જ્યારથી ભારત આવી છું, પૂરા ભારતમાંથી પ્રેમ મળ્યો છે. હું કહી નથી શકતી.

પ્રશ્નઃ..અને પિત્ઝા ખાધો તમે?

ઉત્તરઃ હા. મેં ખાધો. જ્યારથી ભારત આવી છું પિત્ઝા જ ખાઈ રહી છું. એટલા ખાઈ લીધાં છે કે હવે મને ડર લાગે છે કે વધુ થઈ ગયાં છે.

પ્રશ્નઃ રિયો ઓલિમ્પિકમાં પાછળ પડ્યાં પછી પોતાને કેવી રીતે સંભાળી લીધા?

ઉત્તરઃ રિયો મારો પહેલો ઓલિમ્પિક હતો. મે બહુ મહેનત કરી હતી. મને ખબર હતી કે એ ઓલિમ્પિકમાં પણ મારો મેડલનો ચાન્સ હતો. મેં રિયો માટે ટ્રાયલ આપી હતી. ત્યારે મેં જે વજન ઉઠાવ્યું હતું તે જ વજન જો હું ઓલિમ્પિકમાં ઉઠાવી શકતી તો મારો સિલ્વર મેડલ ત્યારે જ આવી ગયો હોત. પરંતુ તે દિવસે મારું ભાગ્ય સાથે ન હતું. કદાચ એ દિવસ મારો ન હતો એટલે મેડલ ન આવ્યો.

હું ખૂબ જ દુઃખી હતી. આટલી મહેનત કર્યા પછી પણ મારી સાથે શું થઈ રહ્યું છે તે હું સમજી શકતી ન હતી. મેં ઘણા દિવસોથી કંઈ ખાધું ન હતું. પછી મારા કોચ અને પરિવારે મને સમજાવી પછી મેં મારી જાતને વચન આપ્યું હતું કે મારે ટોક્યોમાં મેડલ લાવવાનો છે. એટલા માટે હું સખત મહેનત કરીશ, મેં મારી તાલીમ અને તકનીક બદલી. ત્યાર બાદ હું સારા ફ્લોમાં આવી હતી અને જે ઓલિમ્પિકમાં ન કરી શકી તે મેં વર્લ્ડ ચેમ્પિયનશિપમાં કરી દીધું.

પ્રશ્નઃલોકડાઉનના સમયમાં તમને ટ્રેનિંગ વખતે ઇજા થઈ ગઇ હતી. એ સમયે પોતાને કેવી રીતે સંભાળ્યાં?

ઉત્તરઃ બે મહિના સુધી તો મેં ટ્રેનિંગ પણ ની લીધી. એક લાંબો આરામ થઈ ગયો હતો. વેઇટ લિફ્ટિંગ એવી એક રમત છે કે તમે સતત તાલીમ લીધા વગર કંઇ કરી શકતા નથી. એટલો ફરક પાડે છે કે જો તમે એક દિવસ માટે તાલીમ ન લો, તો તમે રમતમાં એક અઠવાડિયા પાછળ જતાં રહો. 2 મહિના સુધી વેઇટ ટ્રેનિંગથી દૂર રહેવું ખૂબ જ મુશ્કેલ હતું. મારું શરીર કઠોર બની ગયું હતું. તે સમયે હું પટિયાલામાં હતી, તેથી મેં મારી તાલીમ શરૂ કરવાનો આગ્રહ રાખ્યો. તેથી બે મહિના પછી મને તક મળી. અચાનક તાલીમ શરૂ કરવાને કારણે હું સક્ષમ ન હતી. જ્યારે ઓલિમ્પિક એશિયન ક્વોલિફાયર નજીક હતું તો તે સમય ખૂબ જ મુશ્કેલ હતો.

પ્રશ્નઃ તમે ઘણા સમયથી ઘરની બહાર રહ્યાં તમે ઘણી મુશ્કેલીઓ વેઠી છે આ મેડલ પામવા માટે. તો એવામાં તમારા અનુસાર તમારો સૌથી મોટો ત્યાગ શું છે?

ઉત્તરઃ(હસતાં હસતાં) વર્ષ 2016માં મને યાદ છે હું ત્યારે વર્લ્ડ ચેમ્પિયન બની હતી. તે વખતે મારી બહેનના લગ્ન હતાં અને મેં તે મિસ કરી દીધાં હતાં. એ સ્પર્ધા માટે ફોન વાપરવાનો બંધ કરી દીધો હતો. મારા અંદર એ આગ હતી કે મને વેઇટ લિફ્ટિંગ માટે અને ભારત માટે કંઇ કરવાનું છે. આ માટે મેં બહેનના લગ્ન અને મારું પસંદગીનું ભોજન બધું જ ત્યાગી દીધું હતું. કોઇ પાર્ટીમાં પણ જતી ન હતી. એ સમયે મેં મારું સમગ્ર ધ્યાન મારા ઉપર કેન્દ્રિત કર્યું હતું.

પ્રશ્નઃ ઓલિમ્પિક મેડલ તો આવી ગયો....હવે આગળ તમારું શું પ્લાનિંગ છે?

ઉત્તરઃ હમણાં માટે તો કોમનવેલ્થ ગેમ્સ છે, એશિયન ગેમ્સ છે, પછી પેરિસ માટે મહેનત કરીશ. હમણાં તો મને સિલ્વર મળ્યો છે, હું તેને પેરિસમાં ગોલ્ડમાં બદલીશ.

પ્રશ્નઃ આગળ આવનારા દિવસો વિશે શું વિચારું છે તમે કઇ રીતે ઉજવણી કરશો પોતાના મેડલની?

ઉત્તરઃ હું મારા પરિવાર સાથે છું. મઝા કરી રહી છું. કેટલાય લોકો મને મળવા આવ્યાં, મેં બધાંની સાથે વાત કરી. આ બધું કેટલાક દિવસ ચાલશે પછી વળી હું ટ્રેનિંગમાં પાછી ફરી રહી છું.

- આયુષ્યમાન પાંડે

આ પણ વાંચોઃ Tokyo Olympics 2020 : ભારત વધુ એક મેડલની નજીક, પી. વી. સિંધૂ પહોંચી સેમિફાઈનલમાં..

આ પણ વાંચોઃ Tokyo Olympic 2020, day 8: બોક્સર લવલીનાએ ક્વાર્ટર ફાઈનલમાં 4-1 થી મેળવી જીત, દેશમાટે એક મેડલ સુનિશ્ચિત કર્યો