ભુવનેશ્વરઃ ઓડિશામાં ચાલી રહેલ 15મો હોકી વર્લ્ડ કપ સમગ્ર વિશ્વમાં જોરશોરથી ચાલી રહ્યો છે. વર્લ્ડ કપમાં આજે ચાર મેચ રમાશે. પૂલ સીની ટીમ મલેશિયા અને ન્યુઝીલેન્ડ વચ્ચેની પ્રથમ મેચ ભુવનેશ્વરના કલિંગા સ્ટેડિયમમાં બપોરે 1 વાગ્યે શરૂ થશે. બીજી મેચ પણ પૂલ સીની ટીમ નેધરલેન્ડ અને ચિલી વચ્ચે બપોરે 3 વાગ્યે કલિંગા સ્ટેડિયમમાં રમાશે. દિવસની ત્રીજી મેચ પૂલ ડી ટીમ સ્પેન અને ઈંગ્લેન્ડ વચ્ચે સાંજે 5 વાગ્યે કલિંગા સ્ટેડિયમમાં રમાશે. તે જ સમયે, દિવસની છેલ્લી મેચ ભારત અને વેલ્સ વચ્ચે સાંજે 7 વાગ્યે કલિંગા સ્ટેડિયમમાં રમાશે.
આમને સામને:ભારત અને વેલ્સની ટીમો (INDIA vs WALES) ત્રણ વખત ટકરાયા છે. ભારતે આ ત્રણેય મેચ જીતી છે. ભારત અને વેલ્સ વચ્ચે 20મી કોમનવેલ્થ ગેમ્સમાં 25 જુલાઈ 2014ના રોજ પ્રથમ મેચ રમાઈ હતી જેમાં ભારત 3-1થી જીત્યું હતું. ભારતે બીજી મેચ 8 એપ્રિલ 2028ના રોજ રમી હતી. આ મેચમાં પણ ભારતે વેલ્સને 4-3થી હરાવ્યું હતું. આ મેચ 21મી કોમનવેલ્થ ગેમ્સમાં રમાઈ હતી. ત્રીજી મેચ બર્મિંગહામ કોમનવેલ્થ ગેમ્સમાં થઈ જેમાં ભારત 4-1થી જીત્યું. આ મેચ 4 ઓગસ્ટ, 2022ના રોજ રમાઈ હતી. (Hockey World Cup 2023 Schedule )
આ પણ વાંચો:Indian Wrestling Federation: ભારતીય રેસલિંગ ફેડરેશનના વિરોધમાં બજરંગ પુનિયા અને સાક્ષી મલિક