બાંગલાદેશ ઢાકા :એશિયન ચેમ્પિયન્સ ટ્રોફીની મેચમાં (ASIAN CHAMPIONS TROPHY SEMIFINAL) બુધવારે ભારતે (IND vs PAK Hockey) કટ્ટર હરીફ પાકિસ્તાનને 4-3થી હરાવ્યું (India beat Pakistan) હતું, આ મેચમાં જીત સાથે ભારતીય ટીમે બ્રોન્ઝ મેડલ જીત્યો (India won bronze) હતો, આ સાથે ભારતે ટૂર્નામેન્ટમાં ત્રીજા સ્થાને રહીને પોતાના અભિયાનનો અંત લાવ્યો હતો. મેચના પહેલા ક્વાર્ટરથી જ બંને ટીમોએ શાનદાર રમત બતાવી, અને ત્રીજી જ મિનિટમાં ભારતના હરમનપ્રીત સિંહે પેનલ્ટી કોર્નરની મદદથી ટીમ માટે પહેલો ગોલ કરીને ભારતને 1-0ની સરસાઈ અપાવી.
પાકિસ્તાની પણ પાછળથી જોરદાર વાપસી
પાકિસ્તાને પણ પાછળથી જોરદાર વાપસી કરી, અને ગોલ કરીને 1-1થી બરાબરી કરી લીધી. અફરાઝે આ ગોલ કર્યો હતો. બીજા ક્વાર્ટરમાં બંને ટીમો વચ્ચે જોરદાર મુકાબલો જોવા મળ્યો હતો, પરંતુ બંનેમાંથી કોઈ ટીમ ગોલ કરી શકી ન હતી. મેચના ત્રીજા ક્વાર્ટરમાં અબ્દુલ રાણાએ પાકિસ્તાન માટે બીજો ગોલ કરીને ટીમને 2-1ની સરસાઈ અપાવી હતી. ત્રીજા ક્વાર્ટરના અંત પહેલા ભારતે પણ મેચમાં પાકિસ્તાન સામે શાનદાર રમત દાખવી હતી, અને સુમિતે ક્વાર્ટરના અંત પહેલા 2-2ની બરાબરી કરી હતી.
અંતિમ ક્વાર્ટરમાં પાકિસ્તાન ભારત સામે લાચાર