IPL 2023: IPLના ખેલાડીઓ જે જર્સી પહેરી રહ્યા છે તેના કાપડનું ઉત્પાદન થાય છે સુરતમાં

હાલ ઇન્ડિયન પ્રીમિયર લીગની મેચ ચાલી રહી છે. પોતાની પસંદની ટીમનો ઉત્સાહ વધારવા માટે હજારોની સંખ્યામાં દર્શકો સ્ટેડિયમ જાય છે અને પોતાની ટીમના પ્લેયરની જેમ જર્સી પણ પહેરે છે. પરંતુ લોકોને ખબર નથી કે IPLના તમામ ખેલાડીઓ અને તેમના દર્શકો ટીશર્ટ અને ટ્રેકપેન્ટ પહેરી રહ્યા છે. તેનું કાપડ સુરતમાં તૈયાર થયું છે. છેલ્લા ચાર વર્ષથી ડ્રાયફીટ કાપડના ઉત્પાદનમાં સુરત હબ બન્યું છે. અગાઉ આ કાપડ ચાઇના થી ઈમ્પોર્ટ કરવામાં આવતું હતું પરંતુ હવે આ સ્પોર્ટ્સવેર કાપડ ઉત્પાદનમાં સુરત આત્મનિર્ભર બન્યું છે.

સુરત:IPL ના ખેલાડીઓ જે જર્સી અને ટ્રેકપેન્ટમાં જોવા મળી રહ્યા છે તેનું કાપડ સુરતમાં તૈયાર કરવામાં આવ્યું છે. આ કાપડ જ્યુરિક મટીરીયલ તરીકે ઓળખાય છે. આ પોલિસ્ટર કાપડ હોય છે. પરંતુ તેની ખાસિયત છે કે આ ગરમીમાં પણ ખેલાડીના પરસેવાથી ભીંજાયને ભારે થતું નથી અને બંને સાઈડથી આ કાપડ ખૂબ જ સ્ટ્રેચેબલ હોય છે. IPL ના ખેલાડીઓ જે જર્સી પહેરી રહ્યા છે તેના કાપડનું ઉત્પાદન સુરતમાં થયું છે. સુરતમાં તૈયાર આ કાપડની ડિમાન્ડ હાલ સ્પોર્ટ્સ ક્ષેત્રમાં સૌથી વધારે છે. સુરતના વેપારી વિષ્ણુ અગ્રવાલ દ્વારા IPL ટીમના ખેલાડીઓ માટે આ કાપડ મોકલવામાં આવ્યું હતું. આ કાપડ પર ડિજિટલ પ્રિન્ટ અને ગારમેન્ટિંગ ત્યાર પછી કરવામાં આવે છે.

100 ટકા પોલિએસ્ટર:કાપડના વેપારી વિષ્ણુ અગ્રવાલે જણાવ્યું હતું કે આ કાપડ સંપૂર્ણ રીતે ડ્રાયફિટ તરીકે ઓળખાય છે. આ સ્ટ્રેચેબલ હોય છે. બંને તરફથી આ કાપડ સ્ટ્રેચ કરી શકાય છે. આ કાપડની ખાસિયત છે કે જ્યારે ખેલાડી દોડે છે ત્યારે કાપડ તેના શરીર પર ફીટ હોય છે અને સ્ટ્રેચેબલ પણ હોય છે. બીજી બાજુ જ્યારે ખેલાડી રમે છે ત્યારે તેને પરસેવો થાય છે. ગરમીમાં પરસેવો વધારે થાય છે ત્યારે તેને એબ્સોર્બ કરવા માટે અમે વીકીંગ કરીને જે કાપડ હોય છે જેને અમે ડ્રાય ફિટ તરીકે ઓળખીએ છીએ તે વાપરવામાં આવે છે. જેના કારણે કાપડ પરસેવાથી ભારે નથી થતું. પોલિસ્ટર કાપડના કારણે આ લાઈટ વેટ થઈ ગયું છે. કોટનમાં પરસેવાના કારણે કાપડ ભારે થઈ જતું હતું. પરંતુ પોલિસ્ટરના કારણે આ સમસ્યા થતી નથી. હાલ સ્પોટ્સ વેરમાં જે પણ કાપડનું વપરાશ થઈ રહ્યું છે તે તમામ 100 ટકા પોલિસ્ટર છે.

આ પણ વાંચોIPL 2023: આ છે 12 ​​ખેલાડીઓની સંપૂર્ણ યાદી જે IPL 2023માંથી બહાર થશે, આ ટીમોને લાગ્યો ઝટકો

4500 સર્ક્યુલર નિટિંગ મશીન હાલ સુરતમાં:સાથે તેઓએ કહ્યું હતું કે, છેલ્લા ચાર વર્ષમાં લોકડાઉન પછી અને ખાસ કરીને પીએમ મોદીના આત્મનિર્ભર ભારતની ઇન્ડસ્ટ્રીને વેગ મળ્યો છે. આ ઇન્ડસ્ટ્રીના કારણે લોકોને રોજગાર મળી રહ્યો છે. હાલ જે IPL ના ખેલાડીઓ કાપડ પહેરી રહ્યા છે તે અમે તેમને આપી દેતા હોય છે. કારણ કે સુરતમાં રેડીમેઈડ ગારમેન્ટિંગ થઈ શકતું નથી. તેઓ ગારમેન્ટિંગ કરાવે છે. અગાઉ આ ઇન્ડસ્ટ્રીમાં 100 ટકા વર્ચસ્વ ચાઇનાનું હતું. અગાઉ આ કાપડ ચાઇના થી ઈમ્પોર્ટ થતું હતું. થોડા સમયથી આ કાપડનું ઉત્પાદન સુરતમાં વધ્યું છે. છેલ્લા પાંચ વર્ષમાં આ કાપડ બનાવનાર સર્ક્યુલર નિટિંગ મશીન છે. આશરે 4500 સર્ક્યુલર નિટિંગ મશીન હાલ સુરતમાં છે.

આ પણ વાંચોRR vs PKBS IPL 2023: પંજાબ કિંગ્સમાં મોટો ફેરફાર, 2 કરોડ બેટ્સમેનના સ્થાને 20 લાખ ઓલરાઉન્ડર શામેલ

જ્યુરિક મટીરીયલ:તેઓએ વધુમાં જણાવ્યું હતું કે આ મટીરીયલ ને જ્યુરિક મટીરીયલ કહેવામાં આવે છે. જેમાં પણ ચારથી પાંચ મટીરીયલ હોય છે. સ્પોર્ટ્સમેન જે કાપડ પહેરે છે તે આના કરતાં મોંઘું હોય છે. સ્ટેડિયમમાં જે દર્શક જાય છે, જર્સી પહેરે છે તે લોકલ બ્રાન્ડના હોય છે. અમે આ કાપડ પર ડિજિટલ પ્રિન્ટ કરીને ગારમેન્ટિંગ સાથે દર્શકોને આપીએ છીએ. એમાં સી.એમ.આઈનો પણ રોલ છે. સી.એમ.આઈ એટલે કે એ ઇન્સ્ટ્રી જે ગારમેન્ટિંગ ઇન્ડસ્ટ્રી ચલાવે છે.