અમદાવાદ: ભારતે શ્રીલંકાને 302 રનના વિશાળ અંતરથી હરાવીને સતત 7મી મેચ જીતી છે. ટીમ ઈન્ડિયા 14 પોઈન્ટ સાથે પોઈન્ટ ટેબલમાં ટોપ પર પહોંચી ગઈ છે અને વર્લ્ડ કપ 2023ની સેમીફાઈનલમાં પહોંચનારી સત્તાવાર રીતે પ્રથમ ટીમ બની ગઈ છે. જોકે, તેણે હજુ પણ દક્ષિણ આફ્રિકા અને નેધરલેન્ડ સામે વધુ 2 લીગ મેચ રમવાની છે.
302 રનથી મોટી જીત:ભારતે શ્રીલંકાને 302 રને હરાવ્યું છે. ભારતે આપેલા 357 રનના ટાર્ગેટના જવાબમાં શ્રીલંકાની આખી ટીમ 19.4 ઓવરમાં માત્ર 55 રનના સ્કોર પર ઓલઆઉટ થઈ ગઈ હતી. આ રીતે ભારતે 302 રનથી મોટી જીત હાંસલ કરી, જે વર્લ્ડ કપમાં ટીમ ઈન્ડિયાની સૌથી મોટી જીત છે. ભારત માટે ફાસ્ટ બોલર મોહમ્મદ શમીએ સૌથી વધુ 5 વિકેટ પોતાના નામે કરી હતી. મોહમ્મદ સિરાજને 3 જ્યારે જસપ્રિત બુમરાહ અને રવિન્દ્ર જાડેજાને 1-1 સફળતા મળી હતી. આ જીત સાથે ટુર્નામેન્ટમાં ભારતનું અજેય અભિયાન ચાલુ છે અને તેણે સતત 7મી મેચ જીતી લીધી છે.