હૈદરાબાદ:આવતા મહિને ઓક્ટોબરમાં વિશ્વની સૌથી મોટી ટુર્નામેન્ટ ક્રિકેટ વર્લ્ડ કપ યોજાવા જઈ રહ્યો છે. આ ક્રિકેટ વર્લ્ડ કપ 2023ની ખાસ વાત એ છે કે, આ વખતે તેની યજમાની ભારત કરશે. ક્રિકેટ વર્લ્ડ કપ 2023 ઓક્ટોબરથી નવેમ્બર વચ્ચે રમાશે. જેમાં દેશના અલગ-અલગ રાજ્યોમાં સ્થિત ક્રિકેટ સ્ટેડિયમમાં મેચો યોજાશે. ક્રિકેટ વર્લ્ડ કપ 2023 એટલા માટે પણ ખાસ છે કારણ કે, તાજેતરમાં જ સદીના સુપરસ્ટાર અમિતાભ બચ્ચન અને સચિન તેંડુલકર ગોલ્ડન ટિકિટ આપવામાં આવી હતી. હવે ભારતીય સિનેમાના થલાઈવા અને સાઉથના સુપરસ્ટાર રજનીકાંતને ક્રિકેટ વર્લ્ડ કપ 2023ની ગોલ્ડન ટિકિટ આપવામાં આવી છે. BCCI સેક્રેટરી જય શાહે રજનીકાંતને ગોલ્ડન ટિકિટ આપી છે.
BCCIએ તસવીર શેર કરી છે:તમને જણાવી દઈએ કે, BCCIએ પોતાની એક્સ પોસ્ટમાં રજનીકાંત અને જય શાહની તસવીર શેર કરી છે. આ તસવીરમાં BCCI સેક્રેટરી દક્ષિણના સુપરસ્ટાર રજનીકાંતને ક્રિકેટ વર્લ્ડ કપ 2023 માટે ગોલ્ડન ટિકિટ આપીને સન્માનિત કરતા જોવા મળે છે. રજનીકાંત સફેદ ટી-શર્ટમાં જ્યારે જય શાહ સફેદ શર્ટ અને બ્લેક પેન્ટમાં જોવા મળે છે.