IPL 2023 : આવતીકાલે ગુજરાત ટાઇટન્સનો મુકાબલો પંજાબ કિંગ્સ સામે, આ ખેલાડીઓ પર રહેશે ખાસ નજર

મોહાલીમાં ગુજરાત ટાઇટન્સ અને પંજાબ કિંગ્સની મેચ ખૂબ જ રસપ્રદ હોઈ શકે છે કારણ કે દરેક બે મેચ જીત્યા પછી ટીમોએ અગાઉની મેચ ગુમાવવી પડી હતી. આવી સ્થિતિમાં ટીમને હારના પાટા પરથી જીતના પાટા પર લાવવાનો પડકાર છે. આ ચેલેન્જમાં કોણ સફળ થશે.. તે આવતીકાલની મેચ બાદ ખબર પડશે...

મોહાલીઃવિસ્ફોટક બેટ્સમેન રિંકુ સિંહની 5 છગ્ગાની કહાનીને ભૂલીને ગુજરાત ટાઇટન્સ આગામી મેચમાં પંજાબ કિંગ્સ સાથે રમવા મોહાલી પહોંચી ગઈ છે. હાલમાં બંને ટીમોએ અત્યાર સુધી રમાયેલી 3-3 મેચમાંથી બે-બે મેચ જીતી છે. જ્યારે બંને ટીમોને એક-એક મેચમાં હારનો સામનો કરવો પડ્યો છે. જ્યાં ગત મેચમાં પંજાબ કિંગ્સનો સનરાઈઝર્સ હૈદરાબાદ સામે પરાજય થયો હતો. આ સાથે જ ગુજરાત ટાઇટન્સ કોલકાતા નાઈટ રાઈડર્સ સામે હાર્યા બાદ આગામી મેચ રમવા પહોંચી ગઈ છે.

IPL 2023

અત્યાર સુધી બંને ટીમો બરાબરી પર છે:પ્રારંભિક બે જીત બાદ છેલ્લી મેચમાં બંને ટીમોની હાર થઈ છે. આ મેચમાં પંજાબ કિંગ્સ પોતાના હોમ ગ્રાઉન્ડનો ભરપૂર ઉપયોગ કરવા માંગે છે અને મેચ જીતીને પોઈન્ટ ટેબલમાં પોતાનુ સ્થાન સુધારવા માંગે છે. આ સાથે જ ગુજરાત ટાઇટન્સ પોતાની ટીમને વિનિંગ ટ્રેક પર લાવવાનો પ્રયાસ કરશે. વર્ષ 2022 માં, બંને ટીમો વચ્ચે બે મેચ રમાઈ છે, જેમાં ગુજરાત ટાઇટન્સે પ્રથમ મેચ 6 વિકેટથી જીતી હતી, જ્યારે પંજાબ કિંગ્સે બીજી મેચ 8 વિકેટથી જીતી હતી.

આ પણ વાંચો:IPL 2023: આજે ચેન્નાઈ સુપર કિંગ્સ અને રાજસ્થાન રોયલ્સ વચ્ચે ખરાખરીનો જંગ

ટીમમાં આ ખેલાડીઓને તક મળી શકે છે:લાંબી રાહ જોયા પછી, લિવિંગસ્ટોન આખરે પંજાબમાં મોહાલીમાં જોડાયો છે અને નેટ્સ પર પ્રેક્ટીસ કરતો જોવા મળ્યો હતો. માનવામાં આવે છે કે તે આ મેચમાં રમશે. ગુજરાત ટાઇટન્સનો કેપ્ટન હાર્દિક પંડ્યા બીમારીના કારણે છેલ્લી મેચમાં રમ્યો ન હતો, પરંતુ તે આ મેચ માટે ઉપલબ્ધ રહેશે.

આ ખેલાડીઓ પર રહેશે નજર:લિવિંગસ્ટોને રાશિદ ખાન સામે 69 બોલમાં 119 રન બનાવ્યા છે. તેની સામે 173ના સ્ટ્રાઈક રેટ સાથે બેટિંગ કરવાનો રેકોર્ડ ધરાવે છે. બીજી તરફ પંજાબ કિંગ્સના કેપ્ટન શિખર ધવનનો મોહમ્મદ શમી સામે શાનદાર રેકોર્ડ છે. શમીએ ક્યારેય શિખર ધવનને આઉટ કર્યો નથી, જ્યારે ધવને શમી સામે 149 રન બનાવ્યા છે.

આ પણ વાંચો:IPL 2023: રોહિત મેચ દરમિયાન સૂર્યકુમાર યાદવ પર થયો ગુસ્સે, જુઓ વીડિયો

આવું કારનામું કરનાર IPLની બીજી ટીમ છે:આઈપીએલના રેકોર્ડ પર નજર કરીએ તો પંજાબ કિંગ્સ ટીમ માટે માત્ર ટોચના ત્રણ બેટ્સમેનોએ 70.5% રન બનાવ્યા છે. આવું કારનામું કરનાર IPLની બીજી ટીમ છે. રોયલ ચેલેન્જર્સ બેંગ્લોર તરફથી પ્રથમ 3 બેટ્સમેનોએ સૌથી વધુ રન બનાવ્યા છે.

IPL 2023