COVID-19: IPLને લઇને પેટ કમિન્સની આશા જીવંત

પેટ કમિન્સે કહ્યું કે, IPL હજૂ રદ કરવામાં આવી નથી અને આ પ્રકારને કોઈ નિર્ણય આયોજકોએ લીધો નથી.

સિડનીઃ ઈન્ડિયન પ્રીમિયર લીગ(IPL)ના સૌથી મોંઘા ખેલાડીઓમાં સામેલ ઓસ્ટ્રેલિયાના ઝડપી બોલર પેટ કમિન્સે પ્રતિષ્ઠિત T-20 લીગના આયોજનની આશા જીવંત રાખી છે. સાથે જ તેમણે સ્વીકાર કર્યો કે, કોવિડ-19ના કારણે લોકડાઉન કરવાથી IPL આ મહિને શરૂ થવાની સંભાવના ઓછી છે.

પેટ કમિન્સ

કમિન્સને કોલકતા નાઈટ રાઈડર્સે આ વર્ષના શરૂઆતમાં હરાજીમાં 15.50 કરોડ રૂપિયાની મોટી રકમ આપીને ખરીદ્યો હતો. તે IPLમાં સૌથી મોટી કિંમતમાં વેચાનારા ખેલાડી બન્યા હતા અને તે હજૂ ટૂર્નામેન્ટના આયોજનને લઇને આશા રાખે છે.

IPL ટ્રોફી

26 વર્ષના કમિન્સે કહ્યું કે, IPLને હજૂ રદ કરવામાં આવી નથી અથવા આ પ્રકારનો કોઈ નિર્ણય આયોજકોએ લીધો નથી. તેની સ્થિતિ હજૂ એવી જ છે. અમે અમારી ટીમના સંપર્કમાં છીંએ. હજૂ બધા લોકો ઈચ્છે છે કે, IPLનું આયોજન કરવામાં આવે, પરંતુ તમામ લોકો જાણે છે કે અત્યારે પ્રાથમિકતા કોરોના વાઇરસને ફેલાતો રોકવાની છે.

પેટ કમિન્સ ટીમ સાથે

IPLને હજૂ 15 એપ્રિલ સુધી સ્થગિત કરવામાં આવ્યો છે. આ દિવસે ભારતમાં 3 અઠવાડિયાનો સમયગાળો પૂર્ણ થવાનો છે. જો કે, તેમણે સ્વીકાર કર્યો કે, કોવિડ-19ના કારણે લોકડાઉન કરવાથી IPL આ મહિને શરૂ થવાની સંભાવના ઓછી છે.

તેમણે કહ્યું કે, મને નથી લાગતું કે, આ જલ્દી શરૂ થઇ શકશે. મારા કેવાનો મતલબ છે કે, અમારી પ્રાથમિકતા ત્યાં રમવાની હશે, પરંતુ આ દરમિયાન સારી બાબત એ છે કે, અમને વિશ્રામનો સમય મળ્યો છે.

IPL પહેલાં 29 માર્ચથી શરૂ થવાની હતી, પરંતુ BCCIએ કોરોના વાઇરસ મહામારીના કારણે IPLને 15 એપ્રિલ સુધી સ્થગિત કરી દીધી હતી. જો આ 15 એપ્રિલ બાદ પણ શરૂ કરવામાં આવે તો, મેચ ખાલી સ્ટેડિયમમાં રમાડવામાં આવશે અને હજૂ એ પણ સ્પષ્ટ નથી કે, ઓસ્ટ્રેલિયાના ખેલાડીઓ આમાં ભાગ લઇ શકશે કે નહીં. કારણ કે, મુસાફરીને લઇને પ્રતિબંધો હજૂ પણ છે.