નવી દિલ્હી:ભારતીય ક્રિકેટ કંટ્રોલ બોર્ડ (BCCI)એ નાણાકીય વર્ષ 2021-22માં રૂપિયા 1,159 કરોડનો આવકવેરો ચૂકવ્યો છે, જે અગાઉના વર્ષ કરતાં 37 ટકા વધુ હોવાનું કહેવાય છે. રાજ્યસભામાં એક પ્રશ્નના લેખિત જવાબમાં નાણા રાજ્ય પ્રધાન પંકજ ચૌધરીએ BCCI દ્વારા ચૂકવવામાં આવેલા આવકવેરા અને ફાઇલ કરેલા રિટર્નના આધારે છેલ્લા 5 વર્ષમાં તેની આવક અને ખર્ચની વિગતો આપી છે.
નાણાકીય વર્ષ 2019-21 સુધી કેટલી રકમ ચૂકવીઃનાણાકીય વર્ષ 2020-21માં, BCCI એ આવકવેરા પેટે રૂપિયા 844.92 કરોડ ચૂકવ્યા હતા, જે 2019-20માં ચૂકવવામાં આવેલા રૂપિયા 882.29 કરોડ કરતાં ઓછો છે. નાણાકીય વર્ષ 2019 માં, ભારતીય ક્રિકેટ કંટ્રોલ બોર્ડે ટેક્સ તરીકે રૂપિયા 815.08 કરોડ ચૂકવ્યા હતા, જે 2017-18માં ચૂકવવામાં આવેલા રૂપિયા 596.63 કરોડ કરતાં વધુ છે.
વર્લ્ડ કપ 2023 માટે ભારત સરકારને કેટલો ટેક્સ ચૂકવશેઃઆ ઉપરાંત, નાણાકીય વર્ષ 2021-22 માં, ભારતીય ક્રિકેટ કંટ્રોલ બોર્ડને 7,606 કરોડ રૂપિયાની આવક થઈ હતી, જ્યારે તેનો ખર્ચ લગભગ 3,064 કરોડ રૂપિયા હતો. 2020-21માં તેની આવક 4,735 કરોડ રૂપિયા અને ખર્ચ 3,080 કરોડ રૂપિયા હતો. BCCI વર્લ્ડ કપ 2023 માટે ICCને ટેક્સ ચૂકવશે. ભારતીય ક્રિકેટ કંટ્રોલ બોર્ડ, ICC વતી, 5 ઓક્ટોબરથી દેશમાં યોજાનારા ODI વર્લ્ડ કપ 2023 માટે ભારત સરકારને 963 કરોડ રૂપિયા ટેક્સ તરીકે ચૂકવશે.
2014 માં મહત્વના કરાર પર હસ્તાક્ષર કર્યાઃભારતીય ક્રિકેટ કંટ્રોલ બોર્ડ અને ICC એ એક મહત્વના કરાર પર હસ્તાક્ષર કર્યા, જેમાં 2014 માં ભારતે ત્રણ ટુર્નામેન્ટ T20 વર્લ્ડ કપ 2016 , 2018 ચેમ્પિયન્સ ટ્રોફી અને 2023 ODI વર્લ્ડ કપ પર હસ્તાક્ષર કરવામાં આવ્યા હતા. કરારમાં જણાવ્યા મુજબ, BCCI ICC અને તેના તમામ કોર્પોરેટ ભાગીદારોને કર રાહતો સુરક્ષિત કરવામાં મદદ કરવા માટે "બંધાયેલુ" હતું.
આ પણ વાંચોઃ
- India vs West Indies: સૂર્યકુમારની ધમાકેદાર બેટિંગ સામે વેસ્ટ ઈન્ડિઝ લાચાર, ટીમ ઈન્ડિયાની સિરીઝમાં વાપસી
- Many Records In Third T20: ત્રીજી T20 મેચમાં નવા રેકોર્ડની ભરમાર, જાણો કયા કયા ખેલાડીઓ ચમક્યા
