નવી દિલ્હીઃ ભારતમાં યોજાનારા ICC વર્લ્ડ કપ ક્રિકેટ 2023માં એક-બે નહીં પરંતુ 6 મેચોના શેડ્યૂલમાં ફેરફાર થવાની સંભાવના છે. તેમાં પાકિસ્તાની ટીમ દ્વારા રમાયેલી 2 મેચનો સમાવેશ થાય છે. આ સિવાય ભારતીય ક્રિકેટ કંટ્રોલ બોર્ડ કેટલીક વધુ મેચોના સમયપત્રકમાં ફેરફારની વાત કરી રહ્યું છે. BCCIના સચિવ જય શાહે પહેલા જ આ અંગે પુષ્ટિ કરી દીધી હતી.
મેચનું સ્થળ બદલવામાં આવશે નહીં:મીડિયાના સૂત્રો અને રમતગમત સાથે જોડાયેલા લોકો પાસેથી મળેલી માહિતીમાં જણાવવામાં આવી રહ્યું છે કે, ભારત અને પાકિસ્તાન વચ્ચે રમાનારી મેચ સહિત અડધો ડઝન મેચોના શેડ્યૂલમાં ફેરફારની વાત થઈ રહી છે. ભારત અને પાકિસ્તાન વચ્ચે 15 ઓક્ટોબરે રમાનાર મેચ હવે એક દિવસ પહેલા 14 ઓક્ટોબરે રમાશે. આ માટે પાકિસ્તાન તરફથી પણ ગ્રીન સિગ્નલ મળવાની આશા છે. જોકે મેચનું સ્થળ બદલવામાં આવશે નહીં. આ સિવાય પાકિસ્તાનની મેચ જે 12 ઓક્ટોબરે રમાવાની હતી તે 10 ઓક્ટોબરે હૈદરાબાદમાં રમાય તેવી શક્યતા છે. પરંતુ તારીખમાં ફેરફારની વાત કરવામાં આવી રહી છે.
ICCનો નિર્ણય આખરી રહેશે: આ સિવાય કહેવામાં આવી રહ્યું છે કે, 11 ઓક્ટોબરે ચેન્નાઈમાં ન્યૂઝીલેન્ડ અને બાંગ્લાદેશ સાથે મેચ છે. બીજા દિવસે દિલ્હીમાં ઈંગ્લેન્ડ અને અફઘાનિસ્તાન વચ્ચે પણ મેચ છે, આવી સ્થિતિમાં મેચમાંથી એક બદલવાની ચર્ચા છે. જો કે આ અંગે હજુ કોઈ અંતિમ પુષ્ટિ થઈ નથી. BCCIના પ્રસ્તાવ પર ICCએ તેના વતી પુષ્ટિ કરવી પડશે. ત્યાર બાદ જ નવું શિડ્યુલ ઉપલબ્ધ થશે.
પ્રથમ અને અંતિમ મેચ અમદાવાદમાં રમાશે:ભારતમાં રમાનાર વર્લ્ડ કપ 5 ઓક્ટોબર 2023થી શરૂ થઈને 19 નવેમ્બર સુધી ચાલશે. પ્રથમ અને અંતિમ મેચ અમદાવાદના નરેન્દ્ર મોદી સ્ટેડિયમમાં રમાશે. ટુર્નામેન્ટની પ્રથમ મેચ ઈંગ્લેન્ડ અને ન્યુઝીલેન્ડ વચ્ચે અમદાવાદના નરેન્દ્ર મોદી સ્ટેડિયમમાં રમાશે, જ્યારે ફાઈનલ મેચ પણ આ જ મેદાન પર 19 નવેમ્બરે રમાશે. આ સિવાય 2 સેમીફાઈનલ 15 અને 16 નવેમ્બરે અનુક્રમે મુંબઈ અને કોલકાતામાં યોજાશે.
આ પણ વાંચો:
- Stuart Broad: ટેસ્ટ ક્રિકેટના ઈતિહાસમાં અન્ય કોઈ ક્રિકેટર ના કરી શક્યો એવુ કરી ગયો સ્ટુઅર્ટ બ્રોડ
- India vs West Indies: ત્રીજી અને અંતિમ વન-ડેમાં ભારતે વેસ્ટ ઈન્ડિઝને 200 રનથી હરાવ્યું, ઈશાન કિશન મેન ઓધ ધ સિરીઝ
