Kapil Sharma Show : ફરી એક વાર લોકોને હસાવવા આવી રહ્યો છે, જુઓ કયા નવા કલાકારની શોમાં થઈ એન્ટ્રી

ટેલિવિઝન પર ખૂબ જ પ્રખ્યાત કપિલ શર્માનો (Kapil Sharma Show) કોમેડી શો છેલ્લા ઘણા સમયથી લોકોતી દુર છે. ત્યારે હાલમાં જ કપિલ શર્માએ સોશિયલ મીડિયા પર કેટલાક ફોટો શેર કરીને ટૂંક જ સમયમાં પરત ટીવી પર ફરવાની માહિતી આપી હતી. કપિલ શર્માના કોમેડી શોની દરેક લોકો આતુરતાથી રાહ જોઈ રહ્યા છે. ત્યારે કપિલ શર્માએ તેના જૂના મિત્રો સાથે ફોટોઝ શેર કર્યા હતા.

• કપિલ શર્મા શો(Kapil Sharma Show) ફરી એક વાર નાના પડદે કરશે રિ-એન્ટ્રી
• આ વખતે શોમાં કોમેડી સર્કસના કલાકારો પણ જોવા મળશે
• શોમાં કોમેડિયન સુદેશ લહેરીની પણ થઈ એન્ટ્રી

અમદાવાદ : ટેલિવિઝન પર પ્રખ્યાત કોમેડી શો 'ધ કપિલ શર્મા શો' ફરી એક વાર નાના પડદે આવી રહ્યો છે. ઘણા સમયથી ગાયબ આ ટીમ ફરી એક વાર ધૂમ મચાવવા અને લોકોને હસાવવા આવી રહી છે. જોકે, આ વખતે કપિલ શર્માની ટીમમાં એક નવા કલાકારની એન્ટ્રી થઈ છે. કોમેડિયન સુદેશ લહેરીની આ શોમાં એન્ટ્રી થઇ છે. આ વખતે કપિલ શર્માના શોમાં કૃષ્ણાભિષેક, સુદેશ લહેરી, ભારતી સિંઘ, કિકુ શારદા, ચંદન પ્રભાકર જેવા કલાકાર જોવા મળશે. આ તમામ લોકોનું બોન્ડિંગને કોઈ ભૂલી ન શકે. કપિલ શર્માએ શેર કરેલા ફોટો સાબિત કરી રહ્યા છે કે, આ વખતે કપિલ શર્મા શો રિ-એન્ટ્રી કોમેડી સર્કસના રિયુનિયનની સાથે થઈ રહી છે.

આ પણ વાંચો :જાણો, શું થયું સિંગર રાહુલ વૈદ્ય અને દિશા પરમારના લગ્નની પહેલી રાતે...

કપિલના શોમાં અર્ચના પૂરણ સિંહ જજ તરીકે યથાવત

સૌથી મજાની વાત તો એ છે કે, કપિલ શર્માના શોમાં જજ તરીકે અર્ચના પુરણ સિંહ (Archana Puran Singh) જોવા મળશે. જોકે, છેલ્લા ઘણા સમયથી અફવા ફેલાઈ હતી કે, અર્ચના સિંહ હવે આ શોનો હિસ્સો નહીં હોય, પરંતુ અર્ચના સિંહે ઈન્સ્ટાગ્રામ પર કપિલ શર્માની નવી ટીમ સાથે પોતાનો વીડિયો શેર કરતા સ્પષ્ટ થઈ ગયું કે તેઓ શોમાં જોવા મળશે. આ સાથે જ અર્ચના સિંહે વીડિયોના કેપ્શનમાં લખ્યું હતું કે, ધ ડ્રીમ ટીમ ઈઝ બેક, સૂન...

આ પણ વાંચો : એક એવો ગુજરાતી યુટ્યૂબર, જેણે બર્થડે સેલિબ્રેટ કરવા લોકસેવા શરૂ કરી