હૈદરાબાદ :એકતા કપૂરનો શો 'પવિત્ર રિશ્તા' સુશાંત સિંહ રાજપૂત અને અંકિતા લોખંડેને ઘરે-ઘરે સુધી લોકપ્રિય બનાવ્યા હતા. શોના નિર્માતાઓએ 2014માં શોને બંધ કરી દીધો હતો. હવે, લગભગ સાત વર્ષ પછી શો બીજી સિઝન સાથે કમબેક કરવા માટે તૈયાર છે.
આ પણ વાંચો : JusticeForSushant: અંકિતાએ સુશાંતને ન્યાય અપાવવા ઉઠાવ્યો અવાજ
અંકિતા ફરી અર્ચના દેશમુખનું પાત્ર ભજવતી જોવા મળશે
આ શોએ ઘણા વર્ષો સુધી દર્શકોનું મનોરંજન કર્યું છે. સુશાંત અને અંકિતાની કેમિસ્ટ્રી પર પ્રેક્ષકોએ ઘણો પ્રેમ લૂંટાવ્યો છે. આ શોને પ્રસારિત થતાં સાત વર્ષ વીતી ગયા પણ આજે પણ ચાહકો શોને એટલો જ પ્રેમ કરે છે. આને ધ્યાનમાં રાખીને નિર્માતાઓ બીજી સિઝન લાવવાનું વિચારી રહ્યા છે.મળતી માહિતી અનુસાર, અંકિતા ફરી અર્ચના દેશમુખનું પાત્ર ભજવતી જોવા મળશે. તે જ સમયે, સુશાંત દ્વારા ભજવેલા માનવ દેશમુખની ભૂમિકા માટે નિર્માતાઓ નવો ચહેરો શોધી રહ્યા છે.
આ પણ વાંચો : સુશાંતની આત્મહત્યાના એક મહિના બાદ અંકિતાએ દીવો પ્રગટાવ્યો