સહારનપુરઃ ફિલ્મ અભિનેત્રી અને બંગાળની સાંસદ નુસરત જહાં ફરી એક વાર ચર્ચામાં આવી છે. આ વખતે નુસરત જહાંએ દુર્ગા મા ના ડ્રેસ પહેરેલો ફોટોશૂટ કર્યું હતું. બાદમાં તે ફોટા તેમણે ઇન્સ્ટાગ્રામ અને સોશિયલ મીડિયા પર શેર પણ કર્યા છે. નુસરત જહાંના દુર્ગા બનવા અંગે દેવબંધી ઉલામાએ વાંધો ઉઠાવ્યો છે.
તેમણે કહ્યું કે ઇસ્લામમાં બિન-ઇસ્લામિક દેવ-દેવી બનવું અને તેમની પૂજા કરવી પ્રતિબંધિત છે. કેટલીક એવી બાબતો છે જેને ઇસ્લામમાં કરવાની મંજૂરી નથી. તેથી નુસરત જહાંએ આ બધાથી બચવું જોઈએ અને અલ્લાહને પ્રાર્થના કરવી જોઈએ. કોઈ મુસ્લિમને બીજા ધર્મના દેવ-દેવતાઓનું પાલન કરવાથી ઇસ્લામ ન કહી શકાય.