- અભિનેત્રી-સાંસદ નુસરત જહાં વધુ એકવાર ચર્ચામાં
- થ્રોબેક વિડીયોને લઇને આવી ચર્ચામાં
- છેલ્લા ઘણાં સમયથી પર્સનલ લાઇફને કારણે ચર્ચામાં છે નુસરત
ન્યૂઝ ડેસ્ક: હીરોઈન અને ટીએમસી સાંસદ નુસરત જહાંએ હાલમાં જ પુત્રને જન્મ આપ્યો છે. વીતેલા કેટલાંક દિવસો દરમિયાન તે પોતાની પ્રેગનન્સીને લઈને ચર્ચા રહી હતી. હૉસ્પિટલથી ઘરે પાછી ફર્યા પછી નુસરત એક પછી એક તેની ખૂબ સુંદર તસ્વીરો અને વિડીયો સોશિયલ મીડિયામાં શેર કરી રહી છે. આ વિડીયોમાં તે સેંથામાં સિંદૂર અને હાથમાં લીલા રંગની ચૂડી પહેરેલી જોવા મળે છે.
ટ્રોલર્સનો પણ સામનો કરવો પડી રહ્યો છે
નુસરત જહાં દ્વારા હાલમાં જ શેર કરાયેલ વિડીયોમાં જોઈ શકાય છે કે તે રાજસ્થાનમાં ફરવા ગઈ છે, ત્યાં તેણે પીળા રંગનો સ્કર્ટ, વ્હાઈટ ટોપ પહેર્યું છે. સાથે તેણે હેવી જ્વેલરી અને કાળા ચશ્મા પહેરીને પોતાના લૂકને ખૂબસૂરત બનાવ્યો છે. એટલું જ નહી, આ વિડીયોમાં તેણે સેંથામાં સિંદૂર અન હાથમાં લીલા રંગની ચૂડી પહેરી છે. આ વિડીયો સોશિયલ મીડિયા પર ખૂબ ઝડપી વાયરલ થયો છે. સાથે નુસરતને ટ્રોલર્સનો પણ સામનો કરવો પડી રહ્યો છે.