વોશિંગ્ટન: 'ધ ઓફિસ'ની સ્ટારકાસ્ટે તેમના ચાહકોને ઓફર કરી હતી કે, તેઓ કોરોના વાઇરસની મહામારીને રોકવા માટે દાન આપીને તેમની સાથે વર્ચુઅલ કોફી ડેટ પર જઈ શકે છે. આ ભાગ્યશાળી ચાહકોને શૂટિંગ દરમિયાન જે ઘણી રમૂજી વાતો થઇ હતી તે પણ સાંભળવા મળશે.
પ્રખ્યાત સિટકોમ 'ધ ઓફિસ'ની સ્ટારકાસ્ટે ચાહકોને મળવાની તક આપી હતી અને તે માટે તેઓએ ઓમેઝમાં કોરોના વાઇરસ ફંડ માટે દાનની અપીલ કરી હતી. કોરોના વાઇરસથી બચાવવા માટે ભંડોળ એકત્ર કરવા માટે કાસ્ટ સભ્યોએ આ વર્ચુએલ ડેટની શરૂઆત કરી હતી. તેની સત્તાવાર જાહેરાત કેટ ફ્લાનેરી, ઓસ્કર નુનેઝ, મેલોરા હાર્ડિન અને ક્રિડ બ્રેટન દ્વારા કરવામાં આવી હતી.