મુંબઇઃ દેશમાં ફેલાઇ રહેલા જીવલેણ કોરોના વાઇરસની જંગમાં ભારતના દરેક નાગરિક સાથે છે. વાત કરીએ બૉલિવૂડની તો લગભગ તમામ સ્ટાર્સ આર્થિક યોગદાન આપી રહ્યા છે. હાલમાં જ શાહરુખ ખાને પણ ડોનેશન આપ્યું હતું, ત્યારે તેનાથી પ્રરિત થઇને તેના ફેન્સ ક્લબે પણ યોગદાન આપવાનું નક્કી કર્યું છે.
શાહરૂખ ખાનના એક ફેન ક્લબે ટ્વીટ કરતાં કહ્યું કે, અમે 1 લાખ રૂપિયાનું યોગદાન પીએમ રાહત ભંડોળમાં આપ્યું છે.
કિંગ ખાનના આ ફેન પેજનું નામ SRK Universe Fan Club છે. આ ફેન પેજ પર એક પોસ્ટ શેર કરવામાં આવી છે. જેમાં લખ્યું છે કે, 'અમે એટલું તો કરી જ શકીએ છીએ. શાહરૂખ ખાનથી પ્રભાવિત થઇને PM કેર ફંડમાં એક નાનું યોગદાન આપીએ છીએ. 'આ ટ્વીટમાં ફેન્સે શાહરુખ ખાનને અને રેડ ચિલીઝને પણ ટેગ કર્યા હતા.’
આ ઉપરાંત આ પોસ્ટની સાથે સ્ક્રીનશોટ પણ શેર કર્યો હતો. જે અનુસાર આ ફેન પેજ તરફથી પીએમ રાહત ભંડોળમાં 1 લાખ રૂપિયાનું દાન આપવામાં આવ્યું છે.