હાલમાં જ સુહાના ખાન ગ્રેજ્યુએટ થઈ ગઈ છે. ગ્રેજ્યુએટ સેરેમની દરમિયાન માતા ગૌરી ખાન અને પિતા શાહરૂખની સાથે સુહાનાની તસ્વીર સામે આવી છે. તેની સાથે જ તેમના સ્કૂલ દ્વારા એક ખાસ ઍવોર્ડ પણ મળ્યો છે.
સુહાના ખાને લંડનની Ardingly Collegeથી પોતાનું ગ્રેજ્યુએશન પૂર્ણ કર્યું છે, ત્યારે ગૌરી અને સુહાનાએ કૉલેજમાં એક સાથે લંચ કર્યું હતું. ગૌરીએ ટ્વીટર પર સુહાનીના લંચ દરમિયાનની તસ્વીર શેર પણ કરી અને કેપ્શનમાં લખ્યું "લંચ એટ Ardingly".
ગ્રેજ્યુએશન પૂર્ણ થયાની સાથે-સાથે સુહાનીએ કૉલેજમાં કલ્ચરલ એક્ટિવિટીમાં તેમના યોગદાન માટે સમ્માનિત પણ કરવામાં આવી હતી. ગૌરીએ એક બીજા ટ્વીટ દ્વારા સુહાનાની કૉલેજનો એક વીડિયો પણ શેર કર્યો છે. જેમાં સુહાના ઍવોર્ડ પાપ્ત કરતી જોવા મળે છે.
ડ્રામા માટે કૉલેજથી ઍવોર્ડ પાપ્ત કરીને સુહાનાનો ઉત્સાહ વધુ બુલંદ થઈ જશે. સુહાનાનું બૉલીવુડમાં ડેબ્યુ પર ઘણા સમયથી ખૂબ ચર્ચા ચાલી રહી છે. શાહરૂખ ખાનને જ્યારે આ વિષય પર પૂછવામાં આવ્યું ત્યારે તેમણે કહ્યું કે, સુહાના પહેલા એક્ટિંગની તાલીમ પાપ્ત કરશે ત્યાર બાદ તે બૉલીવુડમાં આવશે.
સુહાનાની સ્કિલ અને સ્ટેજ પરફૉર્મન્સ જોઈને લાગે છે કે, તે દિવસ દૂર નથી જ્યારે સુહાના સિલ્વર સ્ક્રીન પર અભિનય કરતી જોવા મળશે.