અભિનેત્રી રાધિકા મદનનો ક્વોરેન્ટાઇન પિરિયડ પૂર્ણ થતા માતા સાથે તસવીર શેર કરી

અભિનેત્રી રાધિકા મદન સંપૂર્ણ તૈયારી સાથે તેના પરિવારના સભ્યોને મળવા માટે મુંબઇથી દિલ્હી પહોંચી હતી. ત્યાં પહોંચ્યા પછી, તેણે 14 દિવસ સુધી પોતાને અલગ રાખી હતી. હવે 14 દિવસ પૂરા થયા બાદ અભિનેત્રીએ તેના ઈન્સ્ટાગ્રામ એકાઉન્ટ પર તેની માતા સાથેની એક સુંદર ફોટો શેર કરી હતી અને કેપ્શનમાં લખ્યું કે, '14 દિવસના વનવાસ પછી'.

મુંબઇ: કોવિડ-19 જેવી ભયંકર મહામારીના કારણે લાગુ કરાયેલા લોકડાઉનમાં અમુક લોકો પોતાના ઘરમાં બંધ છે તો કેટલાક લોકો પોતાની ઘર દુર છે. જો કે, હવે લોકડાઉનમાંથી છૂટ મળી રહી છે. જેના કારણે ફ્લાઇટ્સનું સંચાલન ફરી શરૂ થઈ ગયું છે. આવી સ્થિતિમાં દૂર ફસાયેલા લોકો તેમના ઘરે પરત ફરી રહ્યા છે.

આ દરમિયાન અભિનેત્રી રાધિકા મદન સંપૂર્ણ તૈયારી સાથે તેના પરિવારના સભ્યોને મુંબઈથી દિલ્હી મળવા પહોંચી હતી. તેમણે એરપોર્ટ પરથી તેની એક તસવીર પણ શેર કરી હતી, જેમાં રાધિકા તેના ચહેરા પર માસ્ક સાથે જોવા મળી હતી.

હવે રાધિકાએ તેની ઇન્સ્ટાગ્રામ એકાઉન્ટ પર પોતાની માતા સાથેની તસવીરો શેર કરી છે. તેણે તસવીર સાથેની કેપ્શનમાં લખ્યું છે કે, "14 દિવસના વનવાસ બાદ.... સેલ્ફ ક્વોરેન્ટાઇન સમાપ્ત થઈ ગયું છે."

મુંબઇથી દિલ્હી પહોંચ્યા પછી, રાધિકાએ 14 દિવસ માટે પોતાને અલગ રાખી હતી અને તે સામાજિક અંતરને અનુસરી રહી હતી. 14 દિવસના અંતે તેમણે તેની માતા સાથે એક સુંદર ફોટો શેર કર્યું હતું. રાધિકા તેની માતાની ખૂબ નજીક છે. તેમણે થોડા સમય પહેલા તેની માતા માટે એક કવિતા પણ શેર કરી હતી.