મલાઈકા અરોરાએ સ્વાદિષ્ટ ભોજન કરતા ફોટો કર્યા શેર, મલાઈકાએ ફેન્સને પોતાના પ્રિય ભોજન વિશે આપી માહિતી

બોલિવુડ અભિનેત્રી મલાઈકા અરોરા હંમેશા પોતાની ફિટનેસના કારણે ચર્ચામાં રહે છે. ત્યારે હાલમાં જ મલાઈકાએ ઈન્સ્ટાગ્રામ પર પોતાના 2 ફોટોઝ શેર કર્યા છે, જેમાં તે સ્વાદિષ્ટ ભોજન જમી રહી છે, તો મલાઈકા કેવા પ્રકારનું ડાયટ ફોલો કરે છે તે અંગે જુઓ આ અહેવાલમાં.

• બોલિવુડ અભિનેત્રી મલાઈકા અરોરા ફરી આવી ચર્ચામાં
• મલાઈકાએ ઈન્સ્ટાગ્રામ પર ભોજન સાથે 2 ફોટો કર્યા શેર
• મલાઈકાએ પોતાની ફિટનેસના રાઝ લોકોને જણાવ્યા

અમદાવાદઃ બોલિવુડ અભિનેત્રી મલાઈકા અરોરા 47 વર્ષની વયે પણ ફિટનેસના કારણે હંમેશા ચર્ચામાં રહે છે, ત્યારે સવાલ એ થાય છે કે, આખરે મલાઈકા કયું ડાયટ ફોલો કરે છે, તો આ વાતની માહિતી આપવા માટે મલાઈકાએ ઈન્સ્ટાગ્રામ પર પોતાના 2 ફોટો શેર કર્યા છે, જેમાં તે સ્વાદિષ્ટ ભોજન જમતી દેખાઈ રહી છે.

આ પણ વાંચો- મારી નાની બહેને મને ક્યારેય ભાઇની કમી મહેસુસ થવા નથી દીધી: અભિનેત્રી મલાઈકા અરોરા

મલાઇકા ભોજન જમીને આનંદ લઇ રહી છે

આ ફોટોમાં મલાઈકાની સામે ઘણું બધું ભોજન પડ્યું છે અને તે તેને જમીને આનંદ લઈ રહી છે. મલાઈકાએ શેર કરેલા આ ફોટોઝમાં તેની સામે 4 બાઉલ પડ્યા છે, જેમાં ફ્રાઈડ રાઈઝ, કોર્ન વેજ અને સલાડની સાથે એક ડિશ પણ રાખવામાં આવી છે, જેને મલાઈકા ભાત સાથે ખાતી જોવા મળી રહી છે.

મલાઈકાએ શેર કરેલી પોસ્ટના કેપ્શનમાં ફેન્સે ભોજનના વખાણ કર્યા છે.

મલાઈકાના આ ફોટોઝ પર તેના ફેન્સ પણ એક્સપ્રેશન આપતા જણાવે છે કે, તેમને આ ભોજન કેટલું પસંદ આવ્યું છે. ફક્ત એક્સપ્રેશન્સ જ નહીં મલાઈકાએ શેર કરેલી પોસ્ટના કેપ્શનમાં આ ભોજનના વખાણ પણ કર્યા છે.

આ પણ વાંચો- 'Friendship Day' પર બોયફ્રેન્ડ અર્જુન કપૂર માટે મલાઈકાએ બનાવ્યા પાસ્તા

મલાઈકાએ ભોજન અંગે લોકોને કર્યો પ્રશ્ન

આ સાથે જ મલાઈકાએ લોકોને પ્રશ્ન કરતા લખ્યું હતું કે, શું તમે N.U.D.E (Nutritious, Undisguised, Delicious, Eat) ભોજન ટ્રાય કર્યું છે? તો મલાઈકાના ફેન્સ આ ફોટો પર કમેન્ટ્સ કરી રહ્યા છે. આ સાથે જ લોકો મલાઈકાની ફિટનેસના પણ વખાણ કરી રહ્યા છે.