કંગનાએ આયુષ્માન પર સાધ્યુ નિશાન, કહ્યું- ચાપલૂસ આઉટસાઈડર ફિલ્મી માફિયાને સપોર્ટ કરે છે

સુશાંત સિંહના આત્મહત્યા બાદ કંગના રનૌત અનેક સ્ટાર્સ પર નિશાન સાધી રહી છે. તાજેતરમાં જ કંગનાએ આયુષ્માન ખુરાના પણ નિશાન સાધતા ચાપલૂસ આઉટસાઈડર્સ કહ્યો હતો.

મુંબઈઃ સુશાંતસિંહ રાજપૂત આત્મહત્યા મામલો દિન-પ્રતદિન પેચીદો બનતો જાય છે. આ મુદ્દે ઘટના મુદ્દે કંગના રનૌત સતત પોતાના નિવેદન આપી રહી છે. સુશાંતસિહની આત્મહત્યા બાદ બૉલિવૂડમાં નેપોટિઝ્મનો મુદ્દે ઉછળ્યો છે. જેને લઈ કંગના અનેક સેલિબ્રિટિઝ પર નિશાન સાધી રહી છે. હાલ કંગનાએ અભિનેતા આયુષ્માન ખુરાના પણ નિશાન સાધ્યુ છે. આ પહેલા કંગનાે મહેશ ભટ્ટ, કરણ જૌહર, સલમાન ખાન અને આલિયા ભટ્ટ સહિત અનેક નાના-મોટા સ્ટાર્સ પર આક્ષેપો કર્યા હતાં.

કંગનાની ટીમ દ્વારા આયુષ્માન ખુરાનાને લઈ ટ્વીટ કરવામાં આવ્યું છે. જેમાં લખ્યું છે કે, ચાપલૂસ આઉટસાઈડર્સ માત્ર વિચારોની સમાનતા જેવા એક કારણને લઈને જ માફિયા લોકોનું સમર્થન કરે છે, જેથી તેમને કોઈ ધમકાવતું નથી અને બાદમાં તે કંગના અને સુશાંત જેવા લોકોને મજાક બનાવી હકીકતને સામે લાવી શકતા નથી.

તમને જણાવી દઈએ કે, છેલ્લા કેટલાક દિવસોમાં આયુષ્માન ખુરાના પર આક્ષેપ લાગ્યો હતો કે, તે નેપોકિડ્સને સપોર્ટ કરી રહ્યો છે. આયુષ્માનને પણ બૉલિવૂડમાં ટકી રહેવું છે. તેમજ તે યશરાજ ફિલ્મ્સના આર્ટિસ્ટ છે. કે આર કે એ કહ્યું હતું કે, બૉલિવૂડમાં સુશાંતસિંહ અને આયુષ્માન વચ્ચે સ્પર્ધા પણ હતી.

નોંધનીય છે કે, 14 જૂને અભિનેતા સુશાંતસિંહ રાજપૂતે આત્મહત્યા કરી હતી, ત્યાર બાદ બૉલિવૂડમાં નેપોટિઝ્મ અને બુલિંગ જેવા મુદ્દા ચર્ચાનો વિષય બન્યા છે. હવે તો આ મામલો રાજકીય પણ બનતો જાય છે.