સમલૈંગિક સમુદાયને સ્વીકારવામાંં હજી આપણે પાછળઃ સેલિના જેટલી

અભિનેત્રી અને સામાજિક કાર્યકર્તા સેલિના જેટલી તાજેતરમાં જ એક શોર્ટ ફિલ્મ 'સીઝન્સ ગ્રીટીંગ્સ: અ ટ્રિબ્યુટ ટૂ રિતુપર્ણો ઘોષ 'માં જોવા મળી હતી. તેમણે કહ્યું કે, એક શિક્ષિત સમાજ ખાસ કરીને યુવા પેઢી એલજીબીટીક્યુ સમુદાયને સ્વીકારી રહી છે.

મુંબઈઃ અભિનેત્રી અને સામાજિક કાર્યકર્તા સેલિના જેટલી તાજેતરમાં જ એક શોર્ટ ફિલ્મ 'સીઝન્સ ગ્રીટીંગ્સ: અ ટ્રિબ્યુટ ટૂ રિતુપર્ણો ઘોષ'માં જોવા મળી હતી. તેમણે કહ્યું કે, એક શિક્ષિત સમાજ ખાસ કરીને યુવા પેઢી એલજીબીટીક્યુ સમુદાયને સ્વીકારી રહી છે.

આ શોર્ટ ફિલ્મ એલજીબીટીક્યુ સમુદાયની સામાજિક સ્વીકૃતિના મુદ્દા પર આધારિત છે. આ ફિલ્મ રાષ્ટ્રીય પુરસ્કાર વિજેતા નિર્દેશક રિતુપર્ણો ઘોષને શ્રદ્ધાંજલિ અર્પણ છે. સેલિનાએ કહ્યું કે, "એલજીબીટીક્યુ સમુદાય વિશે હજી સમજણનો અભાવ છે. સૌથી મોટો અવરોધ એ છે કે, ભારતમાં સમાજ પોતે જ સમલૈંગિકતા વિશે કોઈને શિક્ષિત કરવા તૈયાર નથી અને કોઈ પણ સ્તર પર આ સમુદાયને સ્વીકારતો નથી. જેની પાછળ ધાર્મિકતા અને અજ્ઞાનતા જેવા કારણ હોઈ શકે છે."

આ અંગે વધુમાં સેલિનાએ કહ્યું કે, સમય બદલાઇ રહ્યો છે અને આપણે સમલૈંગિકોને સ્વીકારવામાં વધુ સક્ષમ બન્યા છીએ, પરંતુ હોમોફોબિયા અને નકારાત્મકતા હજી પણ આપણા સાંસ્કૃતિક બનાવટનો ભાગ છે, પરંતુ આ હજી પણ છે જ્યારે લોકો એવું નથી વિચારતા કે તે હોમોફોબ્રિક છે અથવા તેમની પાસે સમલૈંગિક મિત્રો છે. લોકો સમલૈંગિક દોસ્તોને લઈ કેટલાય પૂર્વગ્રહો સાથે તે મોટા થયા હોય છે. જ્યારે પણ ભારતમાં સમલૈંગિક સમુદાયને સ્વીકારવાની વાત આવે ત્યારે ત્યારે હંમેશા આપણે પાછળ રહીએ છીએ.

આ શોર્ટ ફિલ્મને રામ કમલ મુખર્જીએ ડિરેક્ટ કરી છે, જ્યારે શ્રી ઘટક, લિલેટ દુબે અને અજહર ખાન જવા કલાકારો આ શોર્ટ ફિલ્મમાં સામેલ છે.