પટનાઃ બૉલિવૂડ અભિનેતા સુશાંત સિંહ રાજપૂતના નિધનના સમાચારથી સમગ્ર દેશમાં તેમના ફેન્સને આઘાત લાગ્યો છે. બિહારના રહેવાસી સુશાંત સિંહ રાજપૂત ઘણીવાર પોતાના ગામ આવતા હતા. ફિલ્મ 'MS ધોની'માં શાનદાર એક્ટિંગ બાદ તે પોતાના ગામના 'ધોની' બની ગયા હતા. છેલ્લીવાર સુશાંત પોતાની નાનીના ઘર સહરસામાં પોતાની માતાની માનતા પુરી કરવા આવ્યા હતા.
સુશાંત સિંહ રાજપૂતની બિહારની મુલાકાત
પોતાના અભિનયથી ખૂબ જ ઓછા સમયમાં બૉલિવૂડમાં ઓળખ બનાવનારા સુશાંત સિંહ રાજપૂત હવે આ દુનિયામાં રહ્યા નથી. પરંતુ બિહાર આવેલા સુશાંતની કહેલી બધી જ વાતો અને રમેલા ક્રિકેટની યાદો ઇટીવી ભારતની પાસે છે. છેલ્લીવાર બિહાર આવેલા સુશાંતે માતાની માનતા પુરી કરવા માટે સહરસામાં કુળદેવીની પુજા કરી હતી. જે બાદ સ્થાનિક લોકોની સાથે ક્રિકેટની મજા માણી હતી.