"મોતીચૂર ચકનાચૂર"નુ ટ્રેલર રિલીઝ, કોમેડીથી ભરપૂર છે આ ફિલ્મ

મુંબઇ: બોલીવુડ અભિનેતા નવાઝુદ્દીન સિદ્દીકી " રોમ રોમ મેં" જેવી ફિલ્મોમાં કામ કર્યા બાદ હવે તેઓ એક નવી ફિલ્મની સાથે સિનેમા ઘરોમાં આવી રહ્યા છે.તેમની આગામી ફિલ્મ મોતીચૂર ચકનાચૂરનો ટ્રેલર રિલીઝ થઇ ગયો છે.ટ્રેલર જોઇને લાગી રહ્યુ છે કે આ ફિલ્મ કોમેડીથી ભરપૂર્ણ છે.હિંદી ફિલ્મ ‘મોતીચૂર ચકનાચૂર’માં અથિયા શેટ્ટી તથા નવાઝુદ્દીન સિદ્દીકી જોવા મળે છે. આ ફિલ્મના ડિરેક્ટર દેબમિત્રા બિશ્વાલ તથા પ્રોડ્યૂસર કિરણ ભાટિયા-રાજેશ ભાટિયા છે. આ ફિલ્મ 15 નવેમ્બરે રિલીઝ થશે.

અથિયા તથા નવાઝુદ્દીન સિદ્દીકી સિવાય આ ફિલ્મમાં વિભા ચિબ્બર, નવની પરિહાર, વિવિેક મિશ્રા,કરૂણા પાન્ડે,સંજીવ વત્સ,અભિષેક રાવત,સપના સૈન્ડ તથા ઉષા નાગર પણ જોવા મળશે.આ ફિલ્મના ટ્રેલરમાં બતાવવામાં આવ્યું છે કે, પુષ્પીન્દરની નોકરી નથી અને સામાન્ય પરિવારમાંથી આવે છે અને દેખાવમાં પણ સારો નથી. તો અથિયા શેટ્ટીએ ફિલ્મમાં અનિતાનો રોલ પ્લે કર્યો છે અને તેને એનઆરઆઈ સાથે લગ્ન કરવા છે.

ટ્રેલરમાં તેની એન્ટ્રી એમ કહેતા થાય છે, ‘હમાર બ્યાહ હો કે રહેંગા.અમેરિકા, પેરિસ ઔર લંડન નહીં ગઈ તો ક્યા? નેપાલ, શ્રીલંકા, ભૂતાન તો મિલેંગા.’ નવાઝ તથા આથિયા ફિલ્મમાં એકબીજાને મળે છે અને તેમના લગ્ન થાય છે. જોકે, લગ્ન બાદ આથિયાને ખ્યાલ આવે છે કે નવાઝ એનઆરઆઈ નથી અને દુબઈમાં તેની નોકરી જતી રહી છે એટલે તે ભારત પરત ફર્યો છે. હવે, બંને સાથે જીવે છે કે અલગ થઈ જાય છે, તો તે ફિલ્મ આવે એટલે ખબર. ફિલ્મની સની લિયોનીનું આઈટમ સોંગ પણ છે.