મુંબઈ: ફિલ્મ બડેમિયાં છોટેમિયાંનું (BadeMiyan Chote Miyan 2) ટીઝર લોન્ચ કરવામાં આવ્યું છે, જે જોતા લાગે છે કે, આ ફિલ્મ પૂરી એક્શન ફિલ્મ છે અને દર્શકોનું ભરપૂર મનોરંજન કરશે. આ ફિલ્મમાં અક્ષય કુમાર અને ટાઈગર શ્રોફ એક સાથે જોવા મળશે. આ ફિલ્મ હિન્દી, તેલુગુ, તમિલ, કન્નડ અને મલયાલમ એમ પાંચ ભાષામાં રિલીઝ (BadeMiyan ChoteMiyan Release Date) કરવામાં આવશે. જાણો આ ફિલ્મ ક્યારે થશે રિલીઝ...
અક્ષય કુમાર અને અભિનેતા ટાઈગર શ્રોફ મચાવશે ધમાલ
સુપરસ્ટાર અક્ષય કુમાર અને અભિનેતા ટાઈગર શ્રોફ એક્શનર બડેમિયાં છોટેમિયાંમાં અભિનય કરવા માટે તૈયાર છે. ખરેખર તો આ ફિલ્મ તો 1998માં રિલીઝ થયેલી ફિલ્મ બડે મિયાં છોટે મિયાંનું અનુસરણ છે, જે વાશુ ભગનાની દ્વારા નિર્મિત હતી અને નિર્દેશન ડેવિડ ધવન દ્વારા કરાયું હતું. વાશુ ભગનાનીએ કહ્યું કે, તેઓ આ ફિલ્મને "નવી પેઢીના દર્શકો" સમક્ષ રજૂ કરવા માટે ઉત્સાહિત છે. તેણે કહ્યું, "તે મારા હૃદયની ખૂબ જ નજીકની ફિલ્મ છે કારણ કે તે બે દિગ્ગજ અમિતાબજી અને ગોવિંદાને એકસાથે લાવી હતી અને મારા પ્રિય ડેવિડજી દ્વારા નિર્દેશિત કરવામાં આવી હતી. મારા છોટે મિયાં જેકીને અલી અબ્બાસ ઝફર સાથે તે જાદુને ફરીથી બનાવતા જોવું ખૂબ જ આનંદદાયક છે.